A Comisión de Goberno do Concello de Viveiro, en sesión que tivo lugar o día 29 de xullo do ano que andamos, aprobou o expediente de contratación da obra que a seguir se relaciona:

1. Obxecto do contrato: execución da obra de iluminación pública na rúa Atalaia e outras (Celeiro).

2. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

3. Orzamento base de licitación: cincuenta e sete mil cincocentos vintetrés euros con noventa e seis céntimos (57.523,96 A), de acordo coa seguinte desagregación:

Orzamento de execución material: 39.387,48 A.

Gastos xerais: 5.120,37 A.

Beneficio industrial: 2.363,25 A.

IVE: 7.499,38 A.

Proxecto técnico: 2.718,52 A.

IVE: 434,96 A.

4. Garantías.

a) Provisional: mil cento cincuenta euros con corenta e oito céntimos (1.150,48 A).

b) Definitiva: 4% do importe da adxudicación.

5. Obtención de documentación: o proxecto técnico e o prego de cláusulas administrativas estarán á disposición de tódolos interesados no Negociado de Urbanismo e Contratación, sito nos claustros de San Francisco, avda. de Cervantes, s/n, en horario de 8 a 15 horas.

6. Prazo de presentación das proposicións: 13 días naturais seguintes ó da publicación do anuncio no último dos boletíns oficiais (DOG e BOP). No caso de que o día décimo terceiro coincida en sábado, domingo ou festivo, entenderase o prazo prorrogado ata o día laborable seguinte.

7. Gastos de publicidade: serán pola conta do adxudicatario.

8. Máis información. Teléfono: 982 56 20 47, en horario de 8 a 15 horas. Fax: 982 56 31 56. Correo electrónico: viveiro*fegamp.es

Viveiro, 30 de xullo de 2002.

Justo Vázquez Chao

Alcalde accidental