En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral se presentou, o día 2 de xullo de 2002, acta da asemblea xeral extraordinaria expedida polo secretario da devandita asociación, Manuel González Pérez, avalada con visto e prace do presidente, José Manuel Liste García, na que se reflicten os acordos acadados na dita asemblea, na reunión celebrada o día 11 de xuño de 2002, e que consisten na modificación do artigo 1 dos estatutos.
Santiago de Compostela, 11 de xullo de 2002.
José Vázquez Portomeñe
Director xeral de Relacións Laborais