Convocado o concurso público nº 1/2002 para a contratación do servicio de mantemento técnico legal das instalacións de calefacción, climatización e redes de auga quente e fría sanitaria do Complexo Hospitalario de Ourense, e á vista das actuacións practicadas de conformidade coa lexislación vixente, esta xerencia xeral, en virtude das atribucións que lle foron delegadas conforme o establecido no artigo sexto, letra j) da Orde do 14 de marzo de 2002 (DOG nº 66, do 5 de abril) da Consellería de Sanidade,

RESOLVE:

Primeiro.-Adxudica-la contratación do servicio de mantemento técnico legal das instalacións de calefacción, climatización e redes de auga quente e fría sanitaria do Complexo Hospitalario de Ourense, de acordo coa proposta da mesa de contratación efectuada en sesión do 16 de maio de 2002, a:

Empresa: Ferrovial Servicios, S.A. (Ferroser).

NIF: A.80241789.

Enderezo: Príncipe de Vergara, 135, 28002 Madrid.

Segundo.-O importe de contrato é de cento vintenove mil cento corenta e un euros con setenta e oito céntimos (129.141,78 A), IVE incluído, para o período total da súa execución.

Terceiro.-A vixencia do contrato fíxase por un período de 2 anos, contados desde a data que se fixe nel.

Cuarto.-Previamente á formalización do contrato, a empresa adxudicataria deste servicio está obrigada a constituír unha fianza definitiva do 4% do importe de adxudicación, así como ó resto das obrigas, na forma e contía sinaladas nos pregos de cláusulas administrativas particulares e de prescricións técnicas que rexeron neste concurso.

Ourense, 24 de xuño de 2002.

Alfonso Clemente González

Xerente xeral do Complexo Hospitalario de Ourense