Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: UDESA.

Domicilio social: rúa de Madrid, 1 B (polígono das Fontiñas), Santiago de Compostela.

Denominación: L.M.T. de Pardiñas-Peñasco-Maquia-Abella-Marís e derivadas Maquia-Casal L.M.T. Ameixeira.

Situación: Ordes e Frades.

Descricións técnicas: legalizar L.M.T. aérea a 15/20 kV de 5.446 m de lonxitude en conductor LA-56 que parte de Pardiñas-Peñasco-Maquia, Abella e Marís e derivada en LA-30 os lugares de Casal e Ameixeira. Concellos de Ordes e Frades.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 17 de xuño de 2002.

Jesús Espada Martínez

Delegado provincial da Coruña