A Comisión de Goberno, na sesión celebrada o 18 de xullo de 2002, prestou aprobación ó proxecto das obras de acondicionamento e mellora de accesos en Pena de Cotá, Friol, Xiá, Carballo e Devesa (redactado polo enxeñeiro Cacicedo Herrero), así como os pregos de condicións económico-administrativas para a súa contratación. O que se expón ó público polo prazo de 15 días o proxecto e 8 días os pregos, para efectos de exame e presentación de reclamacións (que se contarán a partir do seguinte ó da inserción de edicto no DOG). No caso de non presentarse entenderanse definitivamente aprobados.
Supeditado ó transcurso do período de exposición pública e ó seu resultado, convócase licitación, se ben a mesma se adiará no suposto de que no prazo establecido para o efecto se presentasen reclamacións.
1. Entidade adxudicadora: Concello de Friol.
2. Obxecto do contrato.
a) A realización das obras de referencia, conforme o proxecto técnico aprobado.
b) Prazo de execución: 6 meses.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento base de licitación: 123.476 euros.
5. Financiamento das obras: con cargo á anualidade de 2002 do Plan provincial.
6. Garantías.
a) Provisional: 2% do orzamento de contrata.
b) Definitiva: 4% do importe de adxudicación.
7. Obtención de información e documentación.
Concello de Friol, praza de España, s/n. CP 27220. Teléfono: 982 37 50 01. Fax: 982 37 52 06.
8. Presentación de proposicións: no rexistro xeral do Concello de Friol, ou por calquera xeito dos previstos na lexislación de procedemento administrativo, no prazo de 13 días naturais contados a partir do seguinte ó da publicación de edicto no DOG.
9. Requisitos do contratista.
Clasificación: G-6-C.
10. Documentación que hai que presentar: a sinalada nos pregos de condicións económico-administrativas.
11. Apertura de propostas: o terceiro día hábil seguinte (que non coincida en sábado), ó da finalización do prazo de presentación de propostas.
12. Criterios de adxudicación: os recollidos nos pregos.
13. Gastos de anuncios: a cargo do adxudicatario.
Friol, 26 de xullo de 2002.
Antonio Muiña Pena
Alcalde