De conformidade co disposto no artigo 59.4º da Lei 30/1992, do 26 de novembro, de réxime xurídico
das administracións públicas e do procedemento administrativo común (BOE nº 285, do 27 de novembro), e non sendo posible a práctica da notificación no domicilio sinalado polo interesado da resolución de desistencia da solicitude das axudas á contratación indefinida do expediente administrativo, consonte o establecido na Orde do 10-5-2001 (DOG nº 97, do 22 de maio), publícase:
1º Expediente de procedemento: FM 343B 2001/1099-5.
Orde da convocatoria: 10 de maio de 2001 (DOG nº 97, do 22 de maio).
Interesado: Yago Macoi, S.L.
Enderezo: travesía de Vigo, 237, baixo, 36207 Vigo (Pontevedra).
Asunto: resolución por delegación do delegado provincial da Consellería de Familia e Promoción do Emprego, Muller e Xuventude con data do 16 de abril de 2002, ó abeiro da Orde do 10-5-2001.
Resolución:
Examinada a solicitude de axudas pola contratación indefinida de traballadores, presentada por Iván Magallanes Pérez, en nome e representación de Yago Macoi, S.L., e tendo en conta os seguintes:
Antecedentes.
Primeiro.-A solicitude foi presentada o 27-9-2001.
Segundo.-O Servicio de Fomento do Emprego desta delegación provincial notificoulle ó interesado o 7-12-2001 o requirimento de emenda da súa solicitude.
Terceiro.-O solicitante non achegou a documentación requirida no prazo concedido:
-DNI, vixente, do representante da entidade.
-Poder do representante para actuar en nome da entidade, vixente na data da solicitude e inscrito no rexistro mercantil ou no rexistro que corresponda.
-CIF da empresa.
-DNI, vixente, do traballador Luis F. Lis Fajardo.
-Contrato de traballo polo que solicita as axudas, en modelo oficial, e xustificante da súa comunicación á oficina de emprego.
-Certificado de períodos de inscrición do traballador como demandante de emprego na oficina de emprego.
-Informe de vida laboral do traballador, emitido pola Tesourería Xeral da Seguridade Social.
-Comunicación da contratación á Seguridade Social. (A clave de tipo de contrato debe se-la correcta).
Fundamentos.
Primeiro.-A competencia desta delegación provincial da Consellería de Familia e Promoción do Emprego, Muller e Xuventude, para coñecer e resolver esta solicitude, vén determinada polo artigo 3 da Orde do 10-5-2001 (DOG do 22 de maio) pola que se regulan os programas de fomento da contratación e da estabilidade no emprego na Comunidade Autónoma de Galicia para o ano 2001.
Segundo.-Artigo 5.1º da orde reguladora en relación cos artigos 71 e 42 da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro (BOE do 14 de xaneiro).
Vistos os preceptos citados e demais de xeral e pertinente aplicación, esta delegación provincial
ACORDA:
Declara-la desistencia da súa solicitude.
Notifíqueselle ó interesado esta resolución, que pon fin á vía administrativa e contra a que cabe formular recurso contencioso-administrativo, no prazo de dous meses desde o día seguinte ó da súa notificación, ante a Sala do Contencioso-Administrativo do Tribunal Superior de Xustiza de Galicia; así mesmo, con anterioridade e con carácter potestativo, pode interpoñerse recurso de reposición, no prazo dun mes desde o día seguinte ó da súa notificación, ante esta delegación provincial, de conformidade co disposto na Lei 29/1998, do 13 de xullo, reguladora da xurisdicción contencioso-administrativa e na Lei 30/1992, do 26 de novembro, de réxime xurídico das administracións públicas e do procedemento administrativo común.
Vigo, 16 de abril de 2002. P.D. Joaquín Macías Sánchez. Delegado provincial de Pontevedra.
Os correspondentes expedientes constan no Servicio de Fomento do Emprego da Delegación Provincial da Consellería de Familia e Promoción do Emprego, Muller e Xuventude en Vigo.
Vigo, 26 de xuño de 2002.
Joaquín Macías Sánchez
Delegado provincial de Pontevedra
