Presentación.

1. A Asociación de Médicos Galegos, Asomega, organiza o Premio Nóvoa Santos, convocando a VII edición del.

2. Colabora con Asomega, nesta convocatoria, Caixanova.

Bases do premio.

1. Poderán tomar parte neste premio persoas relevantes galegas, ou directamente vinculadas a Galicia, da medicina-sanidade, das que o labor profesional ou científico foi de repercusión nacional ou internacional e especificamente de proxección cara a Galicia.

2. As propostas dos candidatos deberanse realizar por: universidades, reales academias ou colexios profesionais de medicina, farmacia ou veterinaria, sociedades científicas, hospitais, fundacións, etc., ou un grupo mínimo de oito profesionais médico-sanitarios.

3. As solicitudes irán acompañadas da seguinte documentación:

a) Un resumo do currículum vitae do candidato nun máximo de 10 follas (15 copias).

b) Unha memoria aducindo os méritos do candidato nun máximo de 5 follas (15 copias).

4. O galardoado aceptará o compromiso de pronunciar unha conferencia do tema médico-sanitario, que considere que foi motivo do Premio Nóvoa Santos.

5. Non poderán concorre-los membros da xunta directiva de Asomega.

6. As solicitudes e documentación das que o prazo límite de presentación rematará o día 15 de setembro de 2002, serán dirixidas ó secretario de Asomega, r/ Santa Cruz de Marcenado, 10.1º D. 28015 Madrid. Teléfono: 91 445 28 81. Fax: 91 445 28 38.

Premio.

1. O Premio Nóvoa Santos outórgase por un xurado constituído pola xunta directiva de Asomega. Para tal fin, celebrarase unha reunión da xunta directiva, e á súa decisión, ante o que non caberá reclamación nin recurso, darase a coñecer a continuación.

2. O galardón consistirá en 6.000 A, diploma e medalla conmemorativa do Premio Nóvoa Santos. O premio é indivisible.

3. No mes de novembro do mesmo ano, a xunta directiva de Asomega fará entrega do Premio Nóvoa Santos ó galardoado.

Ángel Rodríguez Coira

Secretario de Asomega