Visto o expediente instruído para efectos de transmisión das bateas R.V. I, R.V. III, Diz II e Diz III e das concesións administrativas que os amparan, resulta:
a) Antecedentes de feito.
Primeiro.-Mediante escrito do 29-1-2001, Ramón Vázquez Carril solicitou autorización para a transmisión inter vivos das bateas R.V. I, R.V. III, Diz II e Diz III a favor da sociedade Ramón Vázquez Carril y Otros, S.C. con CIF: G-15412398, constituída por Ramón Vázquez Carril, a súa esposa Ángela González Piñeiro e as fillas do matrimonio: Purificación, Ángela e Elena Vázquez González.
Segundo.-Con data do 28-7-2001, prodúcese o falecemento de Ramón Vázquez Carril, titular con carácter ganancial das ditas bateas, sendo as súas únicas herdeiras as súas citadas fillas, Purificación, Ángela e Elena Vázquez González, así como a súa viúva, no que se refire á cota legal usufructuaria.
Terceiro.-Mediante escrito do 23-10-2001, Ángela González Piñeiro, Purificación, Ángela e Elena Vázquez González solicitan a transmisión mortis causa das ditas bateas e das súas concesións, ó tempo que, como membros restantes da sociedade Ramón Vázquez Carril y Otros, S.C., e en aplicación da súa cláusula 10ª, subróganse na solicitude feita o 29-1-2001 e piden a transmisión a favor da dita sociedade.
Cuarto.-Os informes do Servicio de Protección dos Recursos sobre as características das bateas, e do Servicio Técnico Xurídico sobre a tramitación dos expedientes son favorables.
b) Fundamentos xurídicos.
Primeiro.-Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia, e coa Orde do 14 de xuño de 1999, de delegación de competencias nos delegados territoriais da Consellería de Pesca, Marisqueo e Acuicultura.
Segundo.-O expediente seguiu tódolos trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións das bateas de cultivos mariños nas augas de Galicia.
Vistas as disposicións citadas, a proposta de resolución elaborada polo Servicio de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, do réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería,
RESOLVE:
Autoriza-la transmisión mortis causa na parte correspondente á metade indivisa de gananciais de Ramón Vázquez Carril e inter vivos da correspondente a Ángela González Piñeiro, a favor de Ramón Vázquez Carril y Otros, S.C. (CIF G-15412398), das concesións administrativas das bateas que se indican a continuación:
Identificación:
Tipo: batea.
Nome: R.V. I.
Localización:
Cuadrícula nº: 52.
Polígono: B.
Distrito: Caramiñal (A Coruña).
Especies autorizadas:
Mexillón (Mytilus galloprovincialis).
Título habilitante:
Orde outorgamento: 29-2-1964 (BOE/DOG nº 77, do 30-3-1964).
Remate vixencia: 30-3-2004.
Identificación:
Tipo: batea.
Nome: R.V. III.
Localización:
Cuadrícula nº: 17.
Polígono: B.
Distrito: Caramiñal (A Coruña).
Especies autorizadas:
Mexillón (Mytilus galloprovincialis).
Título habilitante:
Orde outorgamento: 105/1975 (BOE/DOG nº 270, do 11 de outubro).
Remate vixencia: 11-11-2005.
Identificación:
Tipo: batea.
Nome: Diz II.
Localización:
Cuadrícula nº: 71.
Polígono: B.
Distrito: Caramiñal (A Coruña).
Especies autorizadas:
Mexillón (Mytilus galloprovincialis).
Título habilitante:
Orde outorgamento: 29-2-1964 (BOE/DOG nº 77, do 30 de marzo).
Remate vixencia: 30-3-2004.
Identificación:
Tipo: batea.
Nome: Diz III.
Localización:
Cuadrícula nº: 5.
Polígono: B.
Distrito: Caramiñal (A Coruña).
Especies autorizadas:
Mexillón (Mytilus galloprovincialis).
Título habilitante:
Orde outorgamento: 29-2-1964 (BOE/DOG nº 77, do 30 de marzo).
Remate vixencia: 30-3-2004.
Actuais titulares: Ramón Vázquez Carril (DNI: 35369850-J) e Ángela González Piñeiro (DNI: 33207589-M).
Novo titular: Ramón Vázquez Carril y Otros, S.C. (CIF G-15412398).
Baixo as seguintes condicións:
Primeira.-Os actuais titulares deberán presentar, no prazo máximo dun mes contado desde o día seguinte ó da publicación desta orde no Diario Oficial de Galicia, orixinal ou fotocopia cotexada da seguinte documentación:
a) Documento notarial da transmisión inter vivos.
b) Solicitude ou carta de pagamento do imposto de transmisións patrimoniais ou documento de sucesións.
Segunda.-Transcorrido o prazo indicado na condición primeira sen ter achegada a documentación requirida, a autorización quedará sen efecto, logo de comunicación por parte da consellería.
Terceira.-O novo titular queda subrogado nos dereitos e obrigas dos anteriores, desde o momento de formalización da compra venda en escritura pública.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante o conselleiro de Pesca e Asuntos Marítimos, ou recurso contencioso-administrativo, ante a xurisdicción contencioso-administrativa, que se interporá no prazo de dous meses contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1º da Lei 29/1998, do 13 de xullo, reguladora da xurisdicción contencioso-administrativa.
A Coruña, 2 de xullo de 2002.
(P.D. 14-6-1999, DOG nº 120, do 24 de xuño)
Beatriz Mato Otero
Delegada territorial da Coruña
