A Comisión de Goberno, en sesión de un de xullo de dous mil dous, acordou prestar aprobación defi

nitiva ó proxecto de urbanización da unidade de actuación nº 35 do Plan Xeral Municipal de Ordenación Urbana, situada fronte á rúa do Doutor Loureiro Crespo, nº 8, con visado da delegación en Pontevedra do Colexio Oficial de Arquitectos de Galicia de data 2-11-1999, que inclúe un anexo ó proxecto de urbanización, con visado colexial do 14-8-2001 e planos nº 1-1; 1-2; 1-3, de 2 a 18 e documentación complementaria 2, con data de visado colexial de 20-12-2001, así como anexo e planos nº 9, 10, 11 e 14, con visado colexial de 10-4-2002, documentación que anula e substitúe a súa correlativa anteriormente presentada, toda ela redactada polos arquitectos Ignacio e José A. Hermo Túñez, e promovido, mediante iniciativa particular, por Construcciones y Obras Veteris, Sociedad Limitada, o cal inclúe a urbanización da totalidade do vial de nova apertura denominado rúa Antón Fraguas, perpendicular ás rúas Joaquín Costa e Loureiro Crespo.

O que se fai público para a súa executividade, suliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que o dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desta Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte daquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados estimen procedentes consonte a dereito.

Pontevedra, 8 de xullo de 2002.

Julio Dapena Outomuro

Secretario xeral

P.D.

Xosé Cesáreo Mosquera Lorenzo

Teniente alcalde delegado da Área de Urbanismo e Medio Ambiente