Por medio do presente edicto notifícaselle a Dolores Mercedes García Rubio, auxiliar de enfermería do Complexo Hospitalario Universitario de Santiago de Compostela, por ter enderezo descoñecido, o seguinte trámite levado a cabo no expediente disciplinario que se lle instrúe:

1. Elaboración do prego de cargos, con data do 16 de xullo de 2002, que se atopa á súa disposición nos locais da Asesoría Xurídica do Hospital Clínico Universitario de Santiago, A Choupana, s/n, edificio B-1ª planta, en Santiago de Compostela, para que a expedientada poida, no prazo de oito días hábiles, exerce-lo seu dereito de visita e presente as alegacións que considere pertinentes na súa defensa.

A presente cédula expídese para que conste e lle sirva de notificación á interesada, de enderezo descoñecido, en cumprimento do disposto no artigo 59.4º da Lei 30/1992, de 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 16 de xullo de 2002.

P.A.

Susana Carro Varela

Instructora