Examinada a solicitude de inscrición no Rexistro de Entidades de Promoción do Camiño de Santiago, presentada por La Vía Láctea Estelar, do 13 de marzo de 2002.
Visto o Decreto 45/2001, do 1 de febreiro, de refundición da normativa en materia do Camiño de Santiago.
Visto igualmente o informe da Xerencia de Promoción do Camiño de Santiago, emitido de acordo co artigo 23 do mencionado decreto.
Considerando que a solicitude presentada cumpre as normas establecidas no decreto de referencia,
RESOLVO:
Que La Vía Láctea Estelar quede inscrita no Rexistro de Entidades de Promoción do Camiño de Santiago co número 142.
Santiago de Compostela, 9 de abril de 2002.
Andrés González Murga
Secretario xeral da Consellería de Cultura,
Comunicación Social e Turismo