Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación de Amigos del Camino de Santiago en Internet AACS-I, de data 24 de xaneiro de 2002.
Visto o Decreto 45/2001, do 1 de febreiro, de refundición da normativa en materia do Camiño de Santiago.
Visto igualmente o informe da Xerencia de Promoción do Camiño de Santiago, emitido de acordo co artigo 23 do mencionado decreto.
Considerando que a solicitude presentada cumpre as normas establecidas no decreto de referencia.
RESOLVO:
Que a Asociación de Amigos del Camino de Santiago en Internet AACS-I quede inscrita no Rexistro
de Entidades de Promoción do Camiño de Santiago co número 138.
Santiago de Compostela, 5 de febreiro de 2002.
Andrés González Murga
Secretario xeral da Consellería de Cultura,
Comunicación Social e Turismo