1. Autorización administrativa.
Para os efectos previstos na Lei 54/1997 e título VII do Real decreto 1955/2000, do 1 de decembro, sobre autorizacións de instalacións de enerxía eléctrica, sométese a información pública a petición de autorización administrativa e aprobación do proxecto de execución para o trazado das liñas eléctricas de referencia, que contan coas características técnicas que se relatan a continuación:
-Peticionario: Acciona Eólica de Galicia, S.A.
-Finalidade: interconexión dos parques eólicos Álabe-Leste e Álabe-Mareiro e a liña eléctrica aérea de alta tensión existente a 132 kV (Montouto-Nordés)-(Boimente-Pena Grande) para evacuación da enerxía xerada nos citados parques eólicos.
Características técnicas principais:
a) Liña eléctrica aérea de alta tensión a 132 kV, para interconexión do parque eólico Álabe-Leste e a liña eléctrica aérea de alta tensión existente a 132 kV (Montouto-Nordés)-(Boimente-Pena Grande), de 1.324 metros de lonxitude composta por un circuíto cun conductor por fase LA-180 e cable de terra OPGW sobre apoios metálicos de celosía.
b) Liña eléctrica aérea de alta tensión a 132 kV, para interconexión do parque eólico Álabe-Mareiro e a liña eléctrica aérea de alta tensión existente a 132 kV (Montouto-Nordés)-(Boimente-Pena Grande), de 350 metros de lonxitude composta por un circuíto cun conductor por fase LA-180 e cable de terra OPGW sobre apoios metálicos de celosía.
2. Urxente ocupación.
O beneficiario, ó amparo do título IX da Lei 54/1997, do 27 de novembro, do sector eléctrico solicita, así mesmo, a declaración de utilidade pública das instalacións incluídas neste proxecto, que, segundo o sinalado no artigo 54 da devandita lei, levará implícita en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa. Polo tanto, a presente resolución de información pública, na que se relacionan tódolos bens e dereitos afectados pola urxente ocupación, realízase tamén para os efectos previstos no citado título IX da Lei 54/1997, e no capítulo V do título VII do Real decreto 1955/2000, do 1 de decembro.
3. Alegacións.
O que se fai público para que poida examinarse o proxecto de instalacións, nesta delegación provincial (edificio administrativo-Ronda da Muralla, 70, Lugo), e formula-las reclamacións, por duplicado, que se consideren oportunas durante o prazo de vinte días. Igualmente, os interesados poderán formular, se é o caso, e no mesmo prazo, as alegacións por escrito que estimen oportunas, podendo corrixi-los erros que se encontren ó relaciona-los bens afectados ata o mesmo momento do levantamento das actas previas.
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.
Lugo, 18 de xuño de 2002.
Jesús Bendaña Suárez
Delegado provincial de Lugo
L.A.T. 132 kV subestación parque eólico Mareiro
PREDIOS PROPIETARIOS APOIO VOO
Nº parcela Sitio Cultivo Propietario (*) Enderezo Nº m ml m
(*) Titular proposto no acordo de concentración parcelaria
1 Pena da Auga m.b. Descoñecido 1 39 114 2.313
3 Pena da Auga m.b. Descoñecido 2 39 35 688
L.A.T. 132 kV subestación parque eólico Leste
CATASTRAIS
DATOS DO PROXECTO DATOS
apoio
(m) (m.l) perman.
(m)
Concello Parcela Apoio Sup.
Voo
Serv.
Plgn. Parcela Propietario Domicilio Poboación Natureza
Celso Pernas Vivero
Celso Pernas Vivero
O Valadouro 1 1, 2 84 509 10.188 0 C.M.V.M.C. Frexulfe-repr.
Leirado-Frexulfe O Valadouro m.b
O Valadouro 2 3, 4, 5, 6 152 817 16.340 0 C.M.V.M.C. Frexulfe-repr.
Leirado-Frexulfe O Valadouro Prado