De conformidade co disposto no artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselle ó denunciado cos datos persoais e último domicilio coñecido que se sinalan a seguir, a incoación de expediente sancionador acordada polo delegado provincial da Consellería de Política Agroalimentaria e Desenvolvemento Rural de Lugo.
Noméase instructora do procedemento a Mª Paz Maseda Ferreiro e secretaria a Mª Jesús Fernández Martínez, funcionarias desta delegación provincial, que poden ser recusadas en calquera momento da tramitación do procedemento, de concorrer algunha das circunstancias previstas no artigo 29 da Lei 30/1992 citada.
A resolución será acordada polo delegado provincial desta consellería, en virtude da competencia atribuída polo Decreto 24/1984, do 23 de febreiro (DOG do 8 de marzo) e demais normativa aplicable. O interesado disporá dun prazo de quince días, contados a partir do seguinte ó da publicación desta notificación, para que poida examina-lo expediente nesta delegación, sita na Ronda da Muralla, 70, baixo 1º, achegar por escrito cantas alegacións e documentos estime convenientes e, de se-lo caso, propoñer proba concretando os medios de que pretenda valerse.
Conforme o establecido no artigo 13.2º do Regulamento para o exercicio da potestade sancionadora, do 4 de agosto de 1993 (BOE nº 189, do 9 de agosto), de non se efectuaren alegacións no prazo anterior, este acordo de incoación poderá ser considerado pro
posta de resolución, determinándose, para estes efectos, o importe da sanción.
O pagamento voluntario poderá implica-la terminación do procedemento. Para efectualo deberán emprega-los impresos normalizados, que lles serán facilitados nesta delegación provincial.
Lugo, 12 de xuño de 2002.
José Ramón Molinero Senovilla
Delegado provincial de Lugo
ANEXO
Expediente: 141/2002OT.
Denunciado: Juan Carlos Mosquera Samper.
DNI: 09176776.
Último enderezo coñecido: Dr. Casares, 119, Monforte de Lemos.
Feitos imputados: carecer de autorización para exerce-la actividade de operador comercial de gando así como do libro de rexistro de movementos e compravenda de gando.
Tipificación da infracción:
Precepto infrinxido: artigos 195 e 196 do Regulamento de epizootias do 4 de febreiro de 1955 e artigo 10 da Orde do 23 de agosto de 1995 pola que se regulan e fixan as condicións, marcas e documentos sanitarios para o traslado e circulación de animais (DOG do 4-9-1995).
Precepto sancionador: artigo 224 do Regulamento de epizootias.
Cualificación da infracción: moi grave.
Sanción posible: 601,01 euros.