DOG 132 do 10/07/2002 - RESOLUCIÓN do 28 de xuño de 2002, da División de Recursos Humanos, pola que se emprazan as partes interesadas no recurso contencioso-administrativo interposto pola Unión General de Trabajadores UGT-Galicia, o Sindicato Nacional de Comisiones Obreras de Galicia e a Confederación Intersindical Galega (CIG).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 28 de xuño de 2002, da División de Recursos Humanos, pola que se emprazan as partes interesadas no recurso contencioso-administrativo interposto pola Unión General de Trabajadores UGT-Galicia, o Sindicato Nacional de Comisiones Obreras de Galicia e a Confederación Intersindical Galega (CIG).

Na Sala do Contencioso-Administrativo do Tribunal Superior de Xustiza de Galicia tramítase o recurso número 1/761/2002 (procedemento especial para a protección dos dereitos fundamentais da persoa) interposto pola Unión Xeral de Traballadores UGT-Galicia, o Sindicato Nacional de Comisións Obreiras de Galicia e a Confederación Intersindical Galega (CIG) contra a Orde do 14 de xuño de 2002, da Consellería de Sanidade (DOG nº 116, do 18 de xuño), pola que se determinaron os servicios mínimos dirixidos a garanti-los servicios esenciais relativos a sanidade na Comunidade Autónoma de Galicia durante a folga levada a efecto desde as 22 horas do día 19 de xuño ata as 22 horas do día 20 de xuño.

O que se notifica para xeral coñecemento de tódalas persoas interesadas no procedemento, que son

emprazadas para que poidan comparecer na sala como demandados no prazo de cinco días, de conformidade co previsto no artigo 116 da Lei 29/1998, do 13 de xullo, regulamentadora da xurisdicción contencioso-administrativa.

Santiago de Compostela, 28 de xuño de 2002.

Valeriano Martínez García

Director xeral da División de Recursos Humanos