Ó abeiro do disposto na base 4.2º e 5 da Resolución do 21 de marzo de 2002, do Centro Informático para a Xestión Tributaria, Económico -Financeira e Contable, pola que se convocan probas selectivas para o ingreso no cadro de persoal laboral fixo de auxiliares administrativos do CIXTEC. Anúnciase que o director xeral deste centro dictou Resolución do 1 de xullo de 2002, pola que declara aprobada a lista definitiva de admitidos e excluídos das citadas probas selectivas, data de realización do primeiro exercicio e se nomea o tribunal cualificador das probas.
As devanditas listas e a composición do tribunal cualificador das probas están expostas no taboleiro de anuncios do citado centro, podendo ser consultadas, así mesmo, no seguinte enderezo da Internet: http://www.cixtec.es.
Así mesmo, infórmase de que a realización do primeiro exercicio terá lugar o día 15 de xullo de 2002 ás 16,30 horas no Instituto de Formación Profesional Superior das Fontiñas, (fronte do edificio da Policía Autonómica) r/ Estocolmo, 5 de Santiago de Compostela.
Santiago de Compostela, 1 de xullo de 2002
Gonzalo Gómez Montaña
Director xeral do Centro Informático para a Xestión
Tributaria, Económico-Financeira e Contable