Esta alcaldía, por Resolución do 23 de maio de 2002. prestou aprobación definitiva ó proxecto de urbanización do polígono 2, 1ª fase do Plan Parcial SAU-3 (Pazo de Rianxiño) promovido por instancia a Juan García Domínguez.

Contra este acordo, que pon fin á vía administrativa, poderá interpor recurso contencioso-administrativo perante o xulgado ou sala do contencioso-administrativo do Tribunal Superior de Xustiza de Galicia; de conformidade cos artigos 8, 9 e 10 da Lei 29/1998, do 13 de xullo, reguladora da xurisdicción contencioso-administrativa, no prazo de dous meses contados a partir do día seguinte a aquel en que reciba a presente notificación. Previa e potestativamente, poderase interpor recurso de reposición, de conformidade co artigo 116 da Lei 30/1992, no prazo dun mes a contar desde o día seguinte a aquel en que reciba a devandita notificación.

Non obstante, de conformidade co artigo 108 da Lei 7/1985, do 2 de abril, reguladora das bases do réxime local, contra os actos de aplicación e efectividade dos tributos locais e dos restantes ingresos de dereito público das entidades locais, poderá interpo-lo recurso de reposición previsto na Lei reguladora das facendas locais segundo a redacción dada pola Lei 50/1998, do 30 de decembro.

Tamén poderá interpo-lo recurso extraordinario de revisión cando concorra algunha das circunstancias previstas no artigo 118 da Lei 30/1992, do 26 de novembro, pola que se aproba o réxime xurídico das administracións públicas e do procedemento administrativo común, nos prazos establecidos no punto 2º do mesmo artigo 118. Todo isto, sen prexuízo do dereito dos interesados a formula-la solicitude á instancia a que se refiren os artigos 102.1º e 105.2º da citada lei.

Rianxo, 23 de maio de 2002.

Pedro Piñeiro Hermida

Alcalde