Primeira.-O premio estará dotado coa cantidade de 12.020 euros.

Segunda.-Poderán participar nel tódolos autores de calquera nacionalidade que presenten unha ou varias obras escritas en lingua galega na normativa oficial.

Terceira.-As novelas terán unha extensión mínima de 150 folios mecanografados por unha cara e a dous espacios.

Cuarta.-As obras enviaranse por correo, sen remite e baixo o lema Casa da Cultura de Santa Comba. Alfonso Molina, s/n, 15840 Santa Comba (A Coruña), coa indicación no sobre «Premio de novela longa Eduardo Blanco Amor». En sobre adxunto, pechado e baixo o mesmo lema, indicaranse o nome e enderezo do autor ou autora. De cada obra remitiranse cinco copias.

Quinta.-As obras presentadas terán que ser inéditas.

Sexta.-O prazo de admisión dos orixinais rematará o día 30 de xullo de 2002. O dictame darase a coñecer no mes de setembro, en xuntanza que terá lugar no salón de actos da Casa da Cultura de Santa Comba.

Sétima.-A concesión do premio non implicará cesión dos dereitos de propiedade sobre a obra premiada. As obras non premiadas serán devoltas ós autores que o soliciten no prazo dun mes contado desde o día do veredicto.

Oitava.-A entrega do premio terá lugar no mes de decembro, nun acto público no que se tentará a difusión da novela gañadora.

Novena.-O premio poderá quedar deserto de non existiren obras de calidade a xuízo do xurado. Neste caso, o importe do premio destinarase a divulga-la obra de Eduardo Blanco Amor entre as escolas e os centros culturais de Galicia.

Décima.-O feito de concorreren a este premio presupón que os autores aceptan as súas bases.

Décimo primeira.-O xurado do premio, nomeado nesta ocasión polo Concello de Santa Comba, estará composto por cinco membros que deberán ser escritores ou críticos literarios da literatura galega.

Décimo segunda.-O xurado fará públicas as razóns nas que se fundou para a concesión do premio.

Santa Comba, 11 de xuño de 2002.

José Toja Parajó

Alcalde