Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.A. e L.M.T.S. entre C.T. Coliseo e C.T. Escola Acelerada.

Situación: A Coruña.

Descricións técnicas:

-Liña eléctrica aérea de media tensión, a 15 kV, sobre apoio de formigón e con conductor LA-56, de 79 m de lonxitude, entre os CC.TT. Escola Acelerada e C.T. Coliseo.

-Derivación en tramo subterráneo, baixo tubo, con conductor R.H.V. 12/20 kV, de 3 (1x95) mm Al, de 7 m de lonxitude, a C.T. Escola Acelerada.

-Derivación en tramo subterráneo, baixo tubo, con conductor R.H.V. 12/20 kV, de 3 (1x240) mm Al, de 10 m de lonxitude, a C.T. Coliseo.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 23 de maio de 2002.

Jesús Espada Martínez

Delegado provincial da Coruña