Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: A Batundeira, 2, Velle, 32960 Ourense.

Denominación: L.M.T.S. e C.T., Bernardo Cachamuíña.

Situación:

Descricións técnicas: centro de transformación tipo interior na rúa Bernardo Cachamuíña, de 400 kVA, r/t, 20.000/380-220 V, alimentando por liña subterránea a 20 kV de 330 m de lonxitude, derivada desde a L.M.T. subt. ó C.T. campus e remata no L.M.T. subt. ó C.T. tras hospital.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución;

tamén poderá interpoñer calquera outro recurso que estime pertinente ó seu dereito.

Ourense, 2 de maio de 2002.

Ramón Fernández-Linares Bouza

Delegado provincial de Ourense