A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-los concursos que a seguir se citan:
Obxecto: reparación e consolidación parcial (intervención nos muros de acompañamento, marxe dereita) da Ponte Navea, A Pobra de Trives (Ourense).
Orzamento base de licitación: noventa e sete mil euros (97.000 A), IVE incluído.
Prazo de execución: catro (4) meses.
Clasificación: grupo K, subgrupo 7, categoría c.
Obxecto: reparación das cubertas da concatedral de San Xiao de Ferrol (A Coruña). 1ª fase.
Orzamento base de licitación: douscentos corenta mil catrocentos catro euros con oitenta e catro céntimos (240.404,84 A), IVE incluído.
Prazo de execución: nove (9) meses.
Clasificación: grupo K, subgrupo 7, categoría c.
Obxecto: reparación das cubertas da igrexa da Angustia de Betanzos (A Coruña).
Orzamento base de licitación: cento dezaoito mil catrocentos oitenta e sete euros con vinte céntimos (118.487,20 A), IVE incluído.
Prazo de execución: sete (7) meses.
Clasificación: grupo K, subgrupo 7, categoría c.
1. Entidade adxudicadora.
a) Organismo: Consellería de Cultura, Comunicación Social e Turismo.
b) Dependencia que tramita os expedientes: Secretaría Xeral.
2. Obxecto dos contratos.
a) Tipo de contratos: obras.
b) Descrición do obxecto: os arriba indicados para cada expediente.
c) Prazo de execución: os arriba indicados para cada expediente.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma de adxudicación: concurso público.
4. Orzamento base de licitación.
Importe total: os arriba indicados para cada expediente.
5. Garantías.
a) Provisional: non se esixe.
b) Definitiva: 4% do importe de adxudicación.
6. Obtención de documentación e información: os pregos de cláusulas administrativas particulares e os proxectos de obra poderán ser examinados no Servicio de Obras e Contratación (teléfono 981 54 48 23) da Secretaría Xeral da Consellería de Cultura, Comunicación Social e Turismo e nas delegacións provinciais durante o prazo de presentación de proposicións, desde as 9 ás 14 horas, e solicitarse no teléfono 981 58 89 38.
Tamén se poderán obte-los pregos relativos a estas contratacións nos seguintes enderezos da Internet:
http://www.xunta.es/contratacion/resultado.asp?N=1369...Ponte Navea.
http://www.xunta.es/contratacion/resultado.asp?N=1370...San Xiao.
http://www.xunta.es/contratacion/resultado.asp?N=1371...Igrexa da Angustia.
7. Requisitos específicos do contratista.
a) Clasificación : a indicada para cada expediente.
8. Presentación de ofertas.
a) Data límite de presentación: antes das 14 horas do décimo terceiro día natural a partir do seguinte ó da publicación desta resolución no DOG.
b) Documentación que hai que presentar para cada un dos expedientes: a esixida na cláusula 6 do prego de cláusulas administrativas particulares.
c) Lugar de presentación de proposicións: efectuarase no rexistro xeral da Consellería de Cultura, Comunicación Social e Turismo, en sobres pechados
en horario de 9 a 14 horas. Se as proposicións se envían por correo haberá que aterse ó previsto na cláusula 6.1 do prego de cláusulas administrativas particulares.
d) Admisión de variantes: non se admiten.
9. Apertura das proposicións.
a) Entidade: Consellería de Cultura, Comunicación Social e Turismo (sala de xuntas), San Caetano, s/n, Santiago de Compostela.
b) Data e hora: a partir das 11 horas do oitavo día natural seguinte ó do remate do prazo de admisión de proposicións. No caso de que coincida en sábado ou festivo, a apertura realizarase o día hábil seguinte.
10. Gastos do anuncio: por conta dos adxudicatarios.
Santiago de Compostela, 12 de xuño de 2002.
P.D. (Orde do 15-12-1997)
Andrés González Murga
Secretario xeral da Consellería de Cultura,
Comunicación Social e Turismo
