En cumprimento do disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e de conformidade co establecido no artigo 30.1º do texto refundido de VPO, Real decreto 2960/1976, do 12 de novembro, e no punto primeiro do artigo 138.1º do Regulamento de VPO, Decreto 2114/1968, do 24 de xullo, notifícaselles ós interesados cos datos e domicilio (identificado por nº de expediente e conta) que a continuación se relacionan, os requirimentos de pagamento dos recibos pendentes e que ascenden as cantidades que se sinalan, facéndolles constar que se irán incorporando ó total da débeda os posteriores vencementos que resulten impagados e que lles serán reclamados por tódolos medios legais.
Tendo en conta as obrigas dimanantes dos contratos subscritos por vostedes coa Xunta de Galicia e de acordo co establecido no artigo 142 do regulamento en relación co artigo 84 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, concédeselles un prazo de dez días hábiles para que se poñan ó corrente das súas obrigas, ou se constitúan en parte na delegación provincial, en trámite de audiencia para os efectos de presenta-los documentos e xustificacións que estimen convenientes ó seu dereito.
En caso contrario procederase á resolución dos sus contratos e iniciación dos oportunos expedientes de desafiuzamento, co conseguinte lanzamento da vivenda, para a súa posterior adxudicación a outro beneficiario, expido, asino e selo esta cédula na Coruña, 8 de maio de 2002.
Mª Teresa Morán Calero
Xefa da Área Provincial da Coruña
ANEXO
Manuel Capinel Lorenzo e herdeiros.
Expediente: C-2-IV/75 (F.P. 3/2002).
Conta: 272.
Rúa Alexandre Bóveda, bloque 17, 4º D, nº 1, polígono de Vite (Santiago de Compostela).
Importe da débeda: 2.685,55 euros.
Constantino Picallos Chorén e herdeiros.
Expediente: C-2-IV/75 (F.P. 8/2002).
Conta: 105.
Avda. de Castelao, nº 1-3º A, polígono de Vite (Santiago de Compostela).
Importe da débeda: 11.922,86 euros.
Gerardo Iglesias Salgueiro e herdeiros.
Expediente: C-2-IV/75 (F.P. 21/2002).
Conta: 223.
Rúa Alexandre Bóveda, nº 7-4º C (Santiago de Compostela).
Importe da débeda: 17.835,84 euros.