De conformidade co acordo da Comisión de Goberno, do 2 de xuño de 2002, anúnciase concurso, polo procedemento aberto, para adxudica-la obra seguinte:
1. Obxecto do contrato.
Obra: saneamento en Rubiós e Taboexa, incluída no POL 2002.
Prezo máximo de licitación: 90.472 euros.
Prazo de execución: catro meses.
A obra realizarase conforme o proxecto técnico e prego de cláusulas administrativas á disposición dos interesados na secretaría do concello.
2. Garantías.
Provisional: 2% do tipo de licitación.
Definitiva: 4% do orzamento de contrato.
3. Presentación de proposicións e documentación complementaria.
As propostas admitiranse a partir do día en que se remita ó BOP e ó DOG o anuncio correspondente, ata pasados 26 días naturais despois da publicación do último anuncio correspondente.
4. Modelo de proposición.
O contido no prego de cláusulas.
Documentación complementaria: a sinalada no prego (e no Real decreto lexislativo 2/2000, do 16 de xuño).
Cando as proposicións se envíen por correo, o licitador deberá xustifica-la data e a hora na que fixo o envío e comunicarllo ó concello, mediante fax ou telegrama, dentro da data e a hora fixados como prazo de presentación.
5. Criterios da selección.
Os sinalados no artigo 15 do prego de condicións.
6. Apertura de plicas.
No salón de sesións do concello, o seguinte día hábil ó do remate do prazo de presentación de proposicións ás 13 horas, agás que o día citado fose sábado, caso no que quedará demorada ó primeiro día hábil posterior.
7. Gastos de anuncios.
Por conta do adxudicatario.
8. Exposición do prego de cláusulas administrativas.
Durante o prazo de oito día hábiles seguintes ó da publicación deste anuncio.
As Neves, 9 de maio de 2002.
Raúl Emilio Castro Rodríguez
Alcalde-presidente