A Comisión de Goberno, en sesión que tivo lugar o día 3 de abril de 2002, aprobou os pregos de cláusulas económico-administrativas particulares que rexerán a contratación dos proxectos de acondicionamento e mellora na estrada Campos de Vila a Pacios da Serra, e aforro enerxético na parroquia de Montefurado e outras, incluídos no POS 2002. Expóñense ó público polo prazo de oito días na secretaría municipal, para os efectos previstos no artigo 122.1º do Real decreto lexislativo 781/1986, do 18 de abril.
Anuncio de licitación.
De conformidade co establecido no artigo 79 da Lei 13/1995, do 18 de maio, de contratos das administracións públicas, e coa salvidade prevista no artigo 122.2º do Real decreto lexislativo 781/1986, do 18 de abril, anúnciase simultaneamente co prego de condicións o correspondente concurso, aínda que, no suposto de producirse reclamacións contra aquel, o concurso se aprazará ata que sexan resoltas pola propia Comisión de Goberno.
1. Entidade adxudicadora.
a) Organismo: Concello de Quiroga.
2. Obxecto do contrato.
2.1. Descrición do obxecto: execución das obras incluídas no proxecto de acondicionamento e mellora na estrada Campos de Vila a Pacios da Serra.
2.2. Lugar de execución: Concello de Quiroga.
2.3. Prazo de execución: dous (2) meses.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento base de licitación.
Importe total: 62.300 euros (IVE incluído).
5. Garantías.
Provisional: 1.246 euros, equivalente ó 2% do orzamento do contrato base da licitación.
Definitiva: 4% do importe da adxudicación.
6. Obtención de documentación e información.
a) Entidade: Concello de Quiroga.
b) Domicilio: Xeneral Franco, 52.
c) Localidade e código postal: 27320 Quiroga.
d) Teléfono: 982 42 80 01.
e) Telefax: 982 42 88 08.
f) Data límite de obtención de documentación e información: o día anterior a finaliza-lo prazo de presentación de proposicións.
7. Requisitos específicos do contratista.
a) Clasificación: non se esixe.
8. Presentación das ofertas.
Data límite de presentación: finalizará ós 15 días naturais contados desde o seguinte ó da data de publicación do anuncio no BOP ou no Diario Oficial de Galicia, o que sexa posterior.
9. Documentación que hai que presentar: a esixida no prego.
10. Apertura de plicas.
Terá lugar ás doce horas do quinto día hábil seguinte ó da terminación do prazo de presentación de proposicións, non coincidente en sábado.
11. Criterios que servirán de base para a adxudicación: os establecidos no prego.
Quiroga, 25 de abril de 2002.
Julio Álvarez Núñez
Alcalde