Por Decreto 285/2001, do 8 de novembro, acordouse a intervención administrativa da Confraría de Pescadores San Bartolomé de Noia, como consecuencia da súa grave situación económica e patrimonial, ó poñer en perigo a súa existencia como corporación de dereito público; todo isto ó abeiro do disposto no artigo 37 do Decreto 79/1998, do 12 de febreiro, polo que se regula a estructura, organización e funcionamento das Confrarías de Pescadores de Galicia.
No artigo 4 do Decreto 285/2001, establécese que a intervención se estenderá durante o prazo de seis meses, podendo ser prorrogado por outro período igual de seis meses, mediante orde do conselleiro competente, se non estivera restablecida a situación económica da confraría, logo do informe motivado do interventor.
Rematado o prazo sinalado no artigo 4 do Decreto 285/2001, e informado pola intervención da necesidade de realizar unha serie de traballos co fin
de restablece-lo equilibrio económico, o conselleiro de Pesca e Asuntos Marítimos, por todo o exposto
DISPÓN:
Artigo único.-Prorrogar por seis meses a intervención administrativa da Confraría de Pescadores San Bartolomé de Noia.
Santiago de Compostela, 9 de maio de 2002.
Enrique César López Veiga
Conselleiro de Pesca e Asuntos Marítimos
CONSELLERÍA DE FAMILIA E PROMOCIÓN DO EMPREGO,
MULLER E XUVENTUDE