Por acordo do pleno do Concello de Verín, con data do 13-5-2002, estimouse a reclamación que interpuxo Industrias Abalde, S.L., contra o prego de cláusulas económico-administrativas para a contratación en réxime de concesión administrativa do servicio municipal de abastecemento de auga potable e saneamento do Concello de Verín, que polo foi aprobado polo pleno desde concello na sesión do 21-3-2002.

Consecuentemente, na devandita sesión do 13-5-2002, acordouse a modificación do prego que se dixo e anulación da convocatoria do concurso que se fixera pública no DOG nº 67, do 8 de abril de 2002 (e corrección de erros no DOG nº 76, do 19 de abril) e no BOP nº 76, do 4 de abril de 2002 (e corrección de erros no BOP nº 86, do 16 de abril); anulación de convocatoria que se fai pública mediante a inserción deste anuncio no DOG e no BOP.

Verín, 13 de maio de 2002.

Juan Manuel Jiménez Morán

Alcalde