Intentanda, mediante carta certificada con aviso de recibo, a notificación de incoación de expediente disciplinario a Mario Araújo Ledo, peón do Servicio de Defensa contra Incendios Forestais, adscrito ó distrito forestal XVII-O Condado Paradanta sen que conste a súa recepción polo interesado, en aplicación do disposto no artigo 59.4º da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, procede a súa notificación a medio de anuncio no taboleiro de edictos do concello do seu último domicilio e no Diario Oficial de Galicia. Na súa virtude, reprodúcese integramente, para que sirva de notificación ó interesado, o texto da resolución de incoación do expediente:
«Visto o informe de data 3 de abril de 2002 que emite a Delegación Provincial desta consellería en Pontevedra en relación coa non asistencia ó seu posto de traballo de Mario Araújo Ledo, persoal laboral interino, categoría de peón do Servicio de Defensa contra Incendios Forestais, adscrito ó distrito forestal XVII-O Condado-Paradanta, comarca forestal O Condado, no que se expón que o traballador foi declarado en situación de incapacidade temporal para o traballo por mor dun accidente laboral con data 14-12-2001, sendo dado de alta médica con data 28-1-2002 sen que desde esta última data se reincorporase ó seu posto de traballo, nin conste reclamación xurisdiccional contra a alta nin comunicación ningunha do traballador perante a Consellería de Medio Ambiente.
Tendo en conta que a falta de incorporación ó posto de traballo pode ser constitutiva dunha presunta actividade infractora de incumprimento das obrigas laborais por parte do traballador que é necesario esclarecer,
DISPOÑO:
Primeiro.-A incoación de expediente disciplinario a Mario Araújo Ledo ó abeiro do disposto no artigo 49 do III Convenio colectivo único para o persoal laboral da Xunta de Galicia.
Segundo.-O nomeamento de José Antonio García Món e Manuel Vázquez Rodríguez, funcionarios con destino na Delegación Provincial desta consellería en Pontevedra como instructor e secretario respectivamente, do procedemento.
Notifíquese o disposto ó expedientado e ós funcionarios designados como instructor e secretario do procedemento, facéndolles saber que lles son de aplicación as normas relativas á recusación e abstención dos artigos 28 e 29 da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999.
Notifíquese, tamén, o disposto ó comité de empresa da Delegación Provincial da Consellería de Medio Ambiente en Pontevedra».
Santiago de Compostela, 20 de maio de 2002.
José Luis Aboal García-Tuñón
Secretario xeral da Consellería de Medio Ambiente