Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: A Batundeira, 2, Velle, 32960 Ourense.

Denominación: L.M.T.S., C.T., r/ Muñoz Calero.

Situación: Ribadavia.

Descricións técnicas: liña subterránea a 20 kV, de 635 m, en conductor R.H.Z.1 12/20 kV, con orixe nun apoio metálico da L.M.T. Sampaio-Santa Cruz e remata na cela de liña do C.T. subestación, despois de alimenta-lo C.T. proxectado con 400 kVA, r/t 20.000/380-220 V en planta baixa de edificio na r/ Muñoz Calero.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

Ourense, 10 de abril de 2002.

Ramón Fernández-Linares Bouza

Delegado provincial de Ourense