Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: A Batundeira, 2, Velle, 32960 Ourense.

Denominación: L.M.T. subestación Saceda-centro R. Santa Cruz.

Situación: Ourense.

Descricións técnicas: liña a 20 kV aero-subterránea de 4.086 m (2.846+1.240); aérea en conductor tipo PAS-120 desde a L.M.T. subestación Velle ata o apoio nº 15, desde onde segue subterránea 1.240 m ata a subestación de Saceda. Liña subterránea a 20 kV, de 610 m, con orixe no centro de seccionamento de Coren e con final na L.M.T. aérea de triple circuíto situada no C.R. Santa Cruz. Cambio do circuíto do C.T. existente en Santa Cruz.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

Ourense, 10 de abril de 2002.

Ramón Fernández Linares Bouza

Delegado provincial de Ourense