Descargar PDF Galego | Castellano

DOG - Xunta de Galicia -

Diario Oficial de Galicia
DOG Núm. 97 Mércores, 22 de maio de 2002 Páx. 7.469

VI. ANUNCIOS

DA ADMINISTRACIÓN AUTONÓMICA

CONSELLERÍA DE ECONOMÍA E FACENDA

ANUNCIO do 29 de abril de 2002, da Secretaría Xeral e do Patrimonio da Consellería de Economía e Facenda, polo que se lle dá publicidade á apertura do prazo de información pública do expediente sobre a sucesión intestada, a favor da Comunidade Autónoma, de Aurora Barreiro Rosende, veciña de Vilanova de Arousa.

O Xulgado de Primeira Instancia e Instrucción número tres de Vilagarcía de Arousa por auto dictado o 26 de febreiro de 2002 declarou á Comunidade Autónoma de Galicia, herdeira legal dos bens de Aurora Barreiro Rosende, veciña de Vilanova de Arousa.

A Comunidade Autónoma galega tomou posesión dos bens hereditarios conforme o disposto no artigo 8.1º do Decreto 94/1999, do 25 de marzo, que regula o réxime administrativo da sucesión intestada a favor da Comunidade Autónoma de Galicia.

Segundo o artigo 153.2º da Lei 4/1995, do 24 de maio, de dereito civil de Galicia, os ditos bens serán destinados a establecementos de asistencia social ou a institucións de cultura, preferentemente

radicados na última residencia habitual do causante e, en todo caso, en territorio galego.

En consecuencia, faise público o seguinte anuncio:

No exercicio das competencias atribuídas á Secretaría Xeral e do Patrimonio nos artigos 7 da Lei 3/1985, do 12 de abril, do patrimonio da Comunidade Autónoma galega, e 4.1º b) do Decreto 312/2000, do 28 de decembro, polo que se establece a estructura orgánica da Consellería de Economía e Facenda; de acordo co disposto no artigo 10 do antedito Decreto 94/1999, ábrese o prazo dun mes, contado a partir do día seguinte ó da publicación deste anuncio, para que os posibles beneficiarios dos bens da sucesión intestada de Aurora Barreiro Rosende, falecida o 21 de maio de 2001 en Vilanova de Arousa, formulen alegacións perante a Consellería de Economía e Facenda.

O expediente poderá examinarse na Subdirección Xeral do Patrimonio, con enderezo en Área Central, rúa Varsovia nº 4-C, 1ª planta, oficina 1N, de luns a venres en horario de 9 a 14 horas.

Santiago de Compostela, 29 de abril de 2002.

Emilio Álvarez Rey

Secretario xeral e do Patrimonio