A Comisión de Goberno, en sesión realizada o 3 de maio de 2002, adoptou, entre outros, o seguinte acordo:
Primeiro.-Aprobar inicialmente o estudio de detalle para ordenación de volumes do soar ocupado polo mercado Eusebio da Guarda na praza de Lugo, promovido polo Concello da Coruña, coa condición de que con anterioridade á aprobación definitiva do documento, sexa presentado pola adxudicataria un texto refundido deste no que se emenden as deficiencias enumeradas no informe municipal do 3 de maio de 2002.
Segundo.-Ordena-la publicación deste acordo na forma legalmente prevista.
O que se fai público para xeral coñecemento, co fin de que á vista do expediente poidan formularse as alegacións que se consideren pertinentes durante o prazo dun mes, contado a partir do seguinte ó da publicación deste anuncio no Diario Oficial de Galicia. O expediente pode consultarse no Servicio de Urbanismo, sito na rúa do Parque s/n, en horario laboral de 12 a 14 horas, de luns a venres.
Os gastos desta publicación serán por conta da empresa adxudicataria do concurso: Saite.
A Coruña, 8 de maio de 2002.
Salvador Fernández Moreda
Concelleiro delegado de Urbanismo