Para os efectos previstos na Lei 54/1997, do 27 de novembro (BOE nº285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S. e C.T.C. polígono de Sabón, 5 A-B.
Situación: Arteixo.
Características técnicas: liña eléctrica subterránea de media tensión, a 15 kV, baixo tubo e con conductor R.H.V. 12/20 kV, de 3(1x240) mm Al, de 110 m de lonxitude, coa orixe na liña aérea denominada Yepes e final no C.T.C. en parcela 5 A-B, que se vai instalar. Centro de transformación, tipo caseta prefabricada de formigón, de 250 kVA e tensións de 15/0,380-0,220 kV en parcela 5 A-B do polígono de Sabón. Concello de Arteixo.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 4 de abril de 2002.
Jesús Espada Martínez
Delegado provincial da Coruña