De conformidade coa proposta elevada pola comisión constituída para xulga-lo concurso convocado por resolución desta universidade do 16 de abril de 2001 (BOE do 9 de maio) para a provisión dunha praza de catedrático de universidade da área de coñecemento de oftalmoloxía, do departamento de Cirurxía da Universidade de Santiago de Compostela, a favor de Francisco Javier Gómez-Ulla de Irazazábal, e tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Francisco Javier Gómez-Ulla de Irazazábal catedrático de universidade da área de coñecemento de oftalmoloxía, do departamento de Cirurxía da Universidade de Santiago de Compostela.

Santiago de Compostela, 15 de abril de 2002.

F. Darío Villanueva Prieto

Rector da Universidade de Santiago de Compostela