Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T., C.D. Monte Pío.

Situación: Santiago de Compostela.

Descricións técnicas: liñas eléctricas subterráneas de media tensión, a 20 kV, baixo tubo e con conductor R.H.V. 12/20 kV, de 3(1x240) mm Al.

-De 860 m de lonxitude, coa orixe e final no tramo de liña que alimenta o C.T. Galivén e ó C.T. Santa Isabel, así como do centro de distribución de Monte Pío, ambos por instalar.

-De 65 m de lonxitude, coa orixe no tramo de liña que alimenta o C.T. Santa Isabel e final no C.T. Monte Pío.

-Centro de transformación, tipo caseta prefabricada, de formigón, de 400 kVA e tensións de 20/0,380-0,220 kV en costa Santa Isabel. Concello de Santiago de Compostela.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 2 de abril de 2002.

Jesús Espada Martínez

Delegado provincial da Coruña