Pola Orde do 5 de decembro de 2001 (DOG do 11 de xaneiro de 2002) convocábase concurso de méritos para cubrir postos nos equipos de orientación específicos. Unha vez cumpridos os requisitos legais e transcorridos os prazos establecidos pola resolución provisional para reclamacións, e de acordo coa proposta efectuada pola comisión de selección prevista no artigo 12 da citada orde, a Consellería de Educación e Ordenación Universitaria

DISPÓN:

Primeiro.-Nomear, para cubri-las prazas indicadas, ós profesores que se relacionan no anexo I desta orde.

Segundo.-Declarar vacante a praza que figura no anexo II.

Terceiro.-Os funcionarios e funcionarias docentes seleccionados pola presente orde quedarán adscritos ós postos adxudicados a partir do 1 de outubro de 2002.

Cuarto.-Contra a presente orde os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 29 de abril de 2002.

Celso Currás Fernández

Conselleiro de Educación e Ordenación

Universitaria

ANEXO I

Adxudicación de prazas nos equipos de orientación

específicos

ANEXO II

Vacantes na adxudicación de prazas nos equipos

de orientación específicos