A modificación da relación de postos de traballo da Consellería de Educación e Ordenación Universitaria que figura no anexo I a este acordo obedece á necesidade de adecua-lo cadro de persoal funcionario da Delegación Provincial de Ourense e de varios centros directivos, para garantir un mellor desenvolvemento das súas funcións.
No anexo II recóllese a relación de postos de traballo de persoal laboral non docente, na que se adecuan os postos de traballo ás actuais necesidades dos centros educativos e se refunden tódalas modificacións posteriores da actual RPT desde que se publicou no Diario Oficial de Galicia nº 227, do 27 de novembro de 1995.
En consecuencia, por proposta do titular da Consellería da Presidencia e Administración Pública, consultadas as organizacións sindicais presentes na Mesa Sectorial de Persoal Funcionario e na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do día vintecinco de abril de dous mil dous adoptou o seguinte
ACORDO:
Primeiro.-Modifica-la vixente relación de postos de traballo da Consellería de Educación e Ordenación Universitaria, nos termos que se sinalan nos anexos ó presente acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do vintecinco de abril de dous mil dous, relativo á modificación da relación de postos de traballo da Consellería de Educación e Ordenación Universitaria, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 26 de abril de 2002.
Jaime Pita Varela
Conselleiro da Presidencia, Relacións Institucionais
e Administración Pública
NOTAS:
(1) Dispoñibilidade horaria.
(2) Media xornada.
(3) A tempo parcial 9,5 meses/Itinerante.
(4) A tempo parcial 9,5 meses.
(5) Media xornada/Inclúe limpeza CEFORES.
(6) A tempo parcial 9 meses.
(8) Para extinguir/Ocupado por funcionario de ca-
rreira.
(9) Ocupado por funcionario de carreira.
(10) Dispoñibilidade horaria.
(11) Para extinguir.
(12) Media xornada/A tempo parcial.
(13) A tempo parcial 9,5 meses/Nocturnidade.
(14) Nocturnidade.
(15) 20 horas semanais.
(16) A tempo parcial 9 meses/Reconverter a axudante de cociña.
(17) Para extinguir/A tempo parcial 9 meses.
(18) A tempo parcial 9,5 meses/Ocupado por fun-
cionario.
(19) A tempo parcial 9 meses/Ocupado por laboral grupo IV.