De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan, a resolución do expediente,

por infracción a Lei 22/1988, do 28 de xullo, de costas.

1. Contra a dita resolución e de conformidade co disposto nos artigos 107.1º e 114 e 115 da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e no prazo dun mes contado a partir do día seguinte desta publicación, poderá interpoñer recurso de alzada perante o conselleiro de Medio Ambiente. Transcorrido o prazo de interposición do recurso sen que este fora presentado, esta resolución será firme para tódolos efectos.

2. O importe da sanción farase efectivo dentro do prazo que sinala o artigo 20 do Regulamento de recadación: as notificadas entre os días 1 e 15 de cada mes, desde a data de notificación ata o día 5 do mes seguinte ou inmediato hábil posterior. As notificadas entre os días 16 e derradeiro de cada mes, desde a data de notificación ata o día 20 do mes seguinte ou inmediato hábil posterior, e desde que sexa firme a resolución en vía administrativa, na conta Contable 840.Código 001 de Caixa Galicia ou en Caixanova, Recadación Xunta, modelo XTAX, e código de ingreso 390075. De non facelo dentro do prazo sinalado procederase ó seu cobramento pola vía de constrinximento.

Lugo, 22 de marzo de 2002.

Luis González Vázquez

Delegado Provincial de Lugo

ANEXO

Expediente nº ES/63-01/BA.

Denunciado: Armando Gómez Castro.

DNI: 32603871-Z.

Último enderezo coñecido: Lugar de Cabanela, 1; 27730-Abadín (Lugo).

Feitos imputados: instalación de autocaravana para a venda de churros, na zona de servidume de protección do dominio público marítimo terrestre no lugar da praia de Reinante, termo municipal de Barreiros, sen a preceptiva autorización.

Precepto sancionador: artigo 90 c) da Lei 22/1988, de costas, e 175.3º do seu regulamento, aprobado polo Real decreto 1471/1989.

Cualificación da sanción: leve (artigo 91.3º da Lei 22/1988, de costas) e (175.3º do regulamento).

Sanción imposta: multa de 30,05 euros.

Expediente nº ES/72-01/VV.

Denunciado: Eduardo José Bolívar Granados.

DNI: 76628101-R.

Último enderezo coñecido: c/ Doutor Fleming, s/n; 18564-Granada.

Feitos imputados: acampada en zona de servidume de protección do dominio público marítimo terrestre no lugar de praia de Abrela, termo municipal de Vicedo, sen autorización en materia de costas.

Precepto sancionador: artigo 90 c) en relación co artigo 25.2º da Lei 22/1988, de costas, e co arti

go 45.2º do seu regulamento, aprobado polo Real decreto 1471/1989.

Cualificación da sanción: leve (artigo 91.3º da Lei 22/1988, de costas) e (175.3º do seu regulamento).

Sanción imposta: multa de 30,05 euros.