De conformidade coa proposta da comisión designada para xulga-lo concurso que convocou esta universidade por Resolución do 4 de xuño de 2001 (BOE do 21 de xuño), para a provisión da praza número 01/017 de profesor titular de universidade da área de coñecemento de métodos de investigación e diagnóstico en educación, do departamento de Filosofía e Métodos de Investigación en Educación desta universidade, a favor de Carmen D. García-Fuentes de la Fuente, e unha vez que a interesada acreditase os requisitos ós que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Carmen D. García-Fuentes de la Fuente, profesora titular de universidade da área de coñecemento de métodos de investigación e diagnóstico en educación, do departamento de Filosofía e Métodos de Investigación en Educación desta universidade.

A Coruña, 1 de abril de 2002.

José Luis Meilán Gil

Rector da Universidade da Coruña