De acordo co disposto no artigo 1 do Decreto 155/1988, do 9 de xuño, o exercicio do dereito de folga do persoal que exerce a súa actividade en entidades públicas encargadas da prestación de calquera tipo de servicio público enténdese condicionado a que se manteñan os servicios esenciais definidos no artigo 2 do mesmo decreto.
O artigo 3 do devandito decreto faculta o conselleiro competente por razón do servicio esencial afectado para que, mediante orde e ante cada situación de folga, determine o mínimo de actividade necesaria para asegura-lo mantemento de tal servicio, así como para fixa-lo persoal preciso para a súa prestación, oído o comité de folga.
O comité interempresas da Compañía da Radio Televisión de Galicia e as súas sociedades (RTG e TVG) en escrito do 7 de febreiro de 2002, comunica a convocatoria de folga xeral que afectará a todo o persoal que presta os seus servicios para a empresa CRTVG e as súas sociedades durante a xornada do día 1 de maio de 2002, comezando ás 0 horas e rematando ás 24 horas.
Na necesaria conciliación entre o dereito constitucional de folga e o mantemento dos servicios esenciais, a Administración autonómica, de acordo coa normativa vixente, optou pola fixación duns mínimos indispensables para o funcionamento dos ditos servicios esenciais, que se concretan nos recollidos no anexo que acompaña a esta orde e polas razóns que, de seguido, se indican:
a) Compañía.
Servicio de Informática. Garante o mantemento e maila emerxencia de toda a rede informática que atende os servicios informativos e xerais.
b) TVG, S.A.
Producción. Garante os equipos mínimos indispensables para a producción dos programas informativos.
Continuidade-control central. Constitúe o equipo mínimo necesario para garanti-la continuidade na emisión e a realización dos programas informativos.
Informativos. Inclúese o persoal mínimo necesario para os programas informativos.
Servicios xerais. Os ordenanzas e conductores considéranse imprescindibles para atende-la mínima relación da sociedade co exterior.
c) RTG, S.A.
Programación-emisións. Garante a emisión dos programas de continuidade e os informativos, así como as gravacións e rexistros de emerxencia.
Servicio técnico. Garante os servicios mínimos do persoal de mantemento e as posibles emerxencias das instalacións e dos servicios técnicos.
Informativos. Inclúese o persoal mínimo necesario para elabora-los programas informativos.
En consecuencia, de acordo co establecido no artigo 34 da Lei 1/1983, do 22 de febreiro, reguladora da Xunta e do seu presidente, por proposta do director da Compañía da Radio Televisión de Galicia e oído o comité de folga,
DISPOÑO:
Artigo 1º
O mínimo de actividade e o persoal preciso para asegura-lo mantemento dos servicios esenciais durante a folga convocada con carácter xeral durante a xornada do 1 de maio de 2002, que comezará ás 0 horas e rematará ás 24 horas, no ámbito da actividade do persoal da CRTVG e das súas sociedades, TVG, S.A. e RTG, S.A., será o establecido no anexo que acompaña a esta orde.
Artigo 2º
O persoal que debe presta-los servicios relacionados no artigo anterior será destinado polo director da CRTVG.
Artigo 3º
O incumprimento da obriga de atende-los servicios mínimos fixados nesta orde será sancionado de conformidade coa lexislación vixente aplicable ó persoal laboral.
Artigo 4º
O disposto nesta orde non suporá ningunha limitación dos dereitos que a normativa reguladora da folga recoñece ó persoal na dita situación.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 29 de abril de 2002.
Jesús Pérez Varela
Conselleiro de Cultura, Comunicación Social e Turismo
ANEXO
Servicios mínimos
* Compañía de Radio Televisión de Galicia.
Servicio de informática: 1 analista-programador, de 10 a 22 horas.
* Televisión de Galicia, S.A.
Servicios xerais:
-1 oficial técnico electricista, de 8 a 15 horas.
-1 oficial técnico electricista, de 15 a 22 horas.
-1 oficial técnico electricista, de 20 a 3 horas.
-1 ordenanza, de 8 a 15 horas.
-1 ordenanza, de 15 a 22 horas.
Departamento de informativos:
-6 redactores, de 8 a 15 horas.
-1 redactor, de 11 a 15 horas.
-2 redactores, de 15 a 22 horas.
-1 redactor, de 15.30 a 22.30 horas.
-1 redactor, de 16 a 23 horas.
-1 auxiliar de redacción, de 8 a 15 horas.
-1 auxiliar de redación, de 11 a 14 e de 16 a 18 horas.
-1 auxiliar de redacción, de 14 a 21 horas.
-1 auxiliar de redacción, de 17 a 24 horas.
-1 locutor, de 8 a 15 horas.
-1 lingüista, de 8 a 15 horas.
-3 reporteiros gráficos, de 8 a 15 horas.
-2 reporteiros gráficos, de 15 a 22 horas.
-1 auxiliar de informativos, de 9 a 16 horas.
-1 auxiliar de informativos, de 16.30 a 23.30 horas.
-1 productor, de 8.30 a 15.30 horas.
-1 axudante de producción, de 8 a 15 horas.
-1 axudante de producción, de 10 a 17 horas.
-1 axudante de producción, de 17 a 24 horas.
Departamento de deportes:
-1 auxiliar de redacción, de 8.30 a 15.30 horas.
-1 auxiliar de redacción, de 17 a 24 horas.
Servicio edición-realización:
-1 realizador, de 9 a 16 horas.
-1 realizador, de 11 a 18 horas.
-1 realizador, de 18 a 1 horas.
-1 axudante de realización, de 8.30 a 15.30 horas.
-1 axudante de realización, de 9 a 16 horas.
-1 axudante de realización, de 10 a 17 horas.
-1 axudante de realización, de 15.30 a 22.30 horas.
-1 axudante de realización, de 18 a 1 horas.
-5 operadores-montadores de vídeo, de 8 a 15 horas.
-1 operador-montador de vídeo, de 10 a 17 horas.
-1 operador-montador de vídeo, de 15 a 22 horas.
-3 operadores-montadores de vídeo, de 17 a 24 horas.
-1 operador-montador de vídeo, de 18 a 1 horas.
-1 grafista titulador, de 9 a 16 horas.
-1 grafista titulador, de 17 a 24 horas.
-1 operador de posproducción, de 8 a 15 horas.
-1 operador de posproducción, de 17.30 a 24.30 horas.
-1 deseñador gráfico, de 8 a 15 horas.
-1 deseñador gráfico, de 16 a 23 horas.
Continuidade:
-1 operador-montador de vídeo, de 24 a 7 horas.
-1 operador-montador de vídeo, de 24.30 a 7.30 horas.
-1 operador-montador de vídeo, de 7 a 14 horas.
-1 operador-montador de vídeo, de 7.30 a 14.30 horas.
-1 operador-montador de vídeo, de 10 a 17 horas.
-1 operador-montador de vídeo, de 14.30 a 21.30 horas.
-1 operador-montador de vídeo, de 17 a 24 horas.
-1 operador-montador de vídeo, de 17.30 a 24.30 horas.
-1 técnico de control central, de 9 a 16 horas.
-1 técnico de control central, de 16 a 23 horas.
Departamento de producción:
-1 control de cámara, de 8 a 15 horas.
-1 control de cámara, de 15 a 24 horas.
-2 cámaras, de 8 a 15 horas.
-1 cámara, de 15 a 22 horas.
-1 operador de son, de 8 a 15 horas.
-1 operador de son, de 11 a 18 horas.
-1 operador de son, de 18 a 1 horas.
-1 técnico de iluminación, de 8 a 16.30 horas.
-1 técnico de iluminación, de 16.30 a 1 horas.
-1 maquillador, de 8 a 15 horas.
-1 maquillador, de 15 a 22 horas.
-1 técnico electrónico, de 24 a 9 horas.
-1 técnico electrónico, de 9 a 16 horas.
-1 técnico electrónico, de 10 a 18 horas.
-1 técnico electrónico, de 16 a 24 horas.
-1 almacenista, de 8 a 15.30 horas.
-1 almacenista, de 15.30 a 23 horas.
Servicio de retransmisións:
-1 axudante de producción, de 9 a 16 horas.
-1 auxiliar administrativo, de 15 a 22 horas.
Servicio de documentación:
-2 documentalistas, de 8 a 15 horas.
-1 documentalista, de 17 a 24 horas.
* Radio-Televisión de Galicia.
Servicio de deportes:
-1 locutor, de 8 a 15 horas.
-1 locutor, de 17 a 24 horas.
Servicio técnico:
-1 técnico electrónico, de 0 a 24 horas.
Servicio de emisións:
-1 técnico de control, de 13 a 20 horas.
-1 operador de control, de 24 a 7 horas.
-1 operador de control, de 6.30 a 13.30 horas.
-1 operador de control, de 8 a 15 horas.
-2 operadores de control, de 17 a 24 horas.
Servicios informativos:
-1 redactor, de 24 a 1 horas.
-3 redactores, de 8 a 15 horas.
-3 redactores, de 15 a 22 horas.
-2 redactores, de 17 a 24 horas.
-1 auxiliar de redacción, de 1 a 8 horas.
-1 auxiliar de programas, de 8 a 15 horas.
Servicio de programas:
-1 locutor, de 24 a 7 horas.
-1 locutor, de 8 a 15 horas.
-1 locutor, de 20 a 3 horas.
