De conformidade coa proposta elevada pola comisión constituída para xulga-lo concurso convocado por resolución desta universidade do 16 de abril de 2001 (BOE do 9 de maio), para a provisión da praza de profesor titular de universidade da área de coñecemento de medicina legal e forense, do departamento de Anatomía Patolóxica e Ciencias Forenses, a José Manuel Suárez Peñaranda, tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a José Manuel Suárez Peñaranda profesor titular de universidade da área de coñecemento de medicina legal e forense, do departamento de Anatomía Patolóxica e Ciencias Forenses da Universidade de Santiago de Compostela.

Santiago de Compostela, 12 de marzo de 2002.

F. Darío Villanueva Prieto

Rector da Universidade de Santiago de Compostela