De conformidade coa proposta elevada pola comisión constituída para xulga-lo concurso convocado por resolución desta universidade do 16 de abril de 2001 (BOE do 9 de maio) para a provisión dunha praza de profesor titular de universidade da área de coñecemento de física aplicada (Lugo), do departamento de Física Aplicada da Universidade de Santiago de Compostela, a Xosé Ramón Fernández Vidal e tendo en conta que o interesado cumpre os requisitos a que alude o epígrafe 2º do artigo 5 do Real decreto 1888/1984, do 26 de setembro,
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Xosé Ramón Fernández Vidal profesor titular de universidade da área de coñecemento de física aplicada (Lugo), do departamento de Física Aplicada da Universidade de Santiago de Compostela.
Santiago de Compostela, 12 de marzo de 2002.
F. Darío Villanueva Prieto
Rector da Universidade de Santiago de Compostela