De conformidade coa proposta elevada pola comisión constituída para xulga-lo concurso convocado por resolución desta universidade do 16 de abril de 2001 (BOE do 9 de maio) para a provisión dunha praza de profesor titular de universidade, da área de coñecemento de ciencia política e da Administración, do departamento de Socioloxía e Ciencia Política e da Administración, a prol de Antonio Losada Trabada, e tendo en conta que o interesado cumpre os requisitos a que alude o número 2º do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Antonio Losada Trabada, profesor titular de universidade da área de coñecemento de ciencia política e da Administración, do departamento de Socioloxía e Ciencia Política e da Administración da Universidade de Santiago de Compostela.

Santiago de Compostela, 6 de marzo de 2002.

F. Darío Villanueva Prieto

Rector da Universidade de Santiago de Compostela