DOG 64 do 03/04/2002 - RESOLUCIÓN do 27 de febreiro de 2002, da División de Recursos Económicos, pola que se anuncia concurso, polo procedemento aberto, para a subministración sucesiva de diverso material informático con destino ós servicios centrais da Consellería de Sanidade e do Servicio Galego de Saúde (S/81-2002).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 27 de febreiro de 2002, da División de Recursos Económicos, pola que se anuncia concurso, polo procedemento aberto, para a subministración sucesiva de diverso material informático con destino ós servicios centrais da Consellería de Sanidade e do Servicio Galego de Saúde (S/81-2002).

1. Obxecto e orzamento: subministración sucesiva de diverso material informático con destino ós servicios centrais da Consellería de Sanidade e do Servicio Galego de Saúde por un importe máximo de cento cincuenta e tres mil cincocentos doce con cincuenta e cino euros (153.512,55 euros) IVE incluído.

2. Solvencia económica, financeira e técnica: deberá acreditarse conforme o previsto na cláusula 18 da folla de especificacións do prego de cláusulas administrativas particulares.

3. Prazo de execución: un ano desde o asinamento do contrato.

4. Documentos de interese para os licitadores: o prego de cláusulas administrativas particulares e demais documentación complementaria pódense solicitar na Consellería de Sanidade/SERGAS na División de Recursos Económicos, Subdirección Xeral de Contratación e Xestión Económica; edificio administrativo de San Lázaro 2ª planta, en días laborables desde as 9 ata as 14 horas, e na páxina web do Sergas: www.sergas.es.

5. Garantías: non se esixen.

6. Admisión de variantes: non se admiten.

7. Criterios de adxudicación: ver cláusula 13 da folla de especificacións do prego de cláusulas administrativas particulares.

8. Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral da Consellería de Sanidade/Sergas, antes das 14 horas do décimo quinto día natural, contado a partir do seguinte ó da publicación desta resolución no Diario Oficial de Galicia, ou por correo na forma indicada no punto 5.2 do prego de cláusulas administrativas particulares.

9. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas que a Consellería de Sanidade ten na 2ª planta do edificio administrativo de San Lázaro, a partir das 9.30 horas do quinto día natural, contado a partir do seguinte a aquel no que remate o prazo de presentación de ofertas; no caso de que o devandito día coincida en sábado ou festivo, a apertura das proposicións terá lugar o seguinte día habil.

10. Documentación que deberán achega-los licitadores: os documentos que figuran no prego de cláusulas administrativas particulares.

11. Anuncios: os anuncios deste concurso serán por conta do adxudicatario.

Santiago de Compostela, 27 de febreiro de 2002.

Antonio Fernández-Campa García-Bernardo

Director xeral da División de Recursos Económicos