Recibida providencia do Xulgado do Contencioso-Administrativo número un de Santiago de Compostela, pola que se reclamaba o expediente relativo ó recurso contencioso-administrativo, procedemento abreviado 307/2001, interposto por Guillermo José Morado Acuña, Emilia Lores Silva e Juan Carlos Pedreira González, contra a Orde do 25 de xaneiro de 2001 sobre selección, proposta e nomeamento de funcionarios interinos para cubriren prazas vacantes nos corpos de médicos forenses, oficiais, auxiliares e axentes da Administración de xustiza na Comunidade Autónoma galega, concretamente contra a lista definitiva de auxiliares da provincia de Pontevedra pola limitación na puntuación dos méritos xerais da antigüidade, computados soamente desde o ano 1992, esta dirección xeral remitiu o expediente administrativo que xa consta no xulgado.

Recibida posteriormente solicitude do órgano xudicial de emprazamento dos afectados, esta dirección xeral acorda notificar, para un xeral coñecemento, a tódalas persoas interesadas no procedemento, e son emprazados para que poidan comparecer como parte ante o Xulgado do Contencioso-Administrativo número un de Santiago de Compostela no prazo de nove días, de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 15 de marzo de 2002.

Juan José Martín Álvarez

Director xeral de Xustiza

CONSELLERÍA DE FAMILIA E PROMOCIÓN DO EMPREGO,

MULLER E XUVENTUDE