A Compañía de Radio-Televisión de Galicia, Televisión de Galicia, S.A. e Radiotelevisión Galicia, S.A. fan solicitude pública de ofertas para o seguinte expediente de contratación:
Obxecto: contratación, non exclusiva, de servicios de asistencia e xestión de viaxes e outros cunha axencia de viaxes (expediente 20304C).
Prazo de presentación de ofertas: o prazo para a presentación das ofertas de contratación será de trinta (30) días naturais contados a partir do día seguinte ó da publicación do anuncio no Diario Oficial de Galicia.
Pregos de condicións: poderán ser examinados e recollidos polos interesados, en días e horas de oficina (de 8 a 14 horas), no servicio de compras da Compañía de Radio-Televisión de Galicia e as súas sociedades (teléfono: 981 54 08 55) sito no centro emisor de San Marcos, Santiago de Compostela, ou solicitadas no enderezo de correo electrónico: sercom*crtvg.es.
(Os gastos que orixine a publicación deste anuncio serán por conta do adxudicatario).
Santiago de Compostela, 20 de marzo de 2002.
Manuel Vázquez Vieites
Director xerente económico-administrativo