A disposición adicional novena.3 da Lei orgánica 1/1990, do 3 de outubro, de ordenación xeral do sistema educativo, e o Real decreto 850/1993,

do 4 de xuño, polo que se regula o ingreso e a adquisición de especialidades nos corpos de funcionarios docentes a que se refire a Lei orgánica 1/1990, establecen que o sistema de ingreso na función pública docente será o de concurso-oposición convocado polas respectivas administracións educativas que estean en pleno exercicio das súas competencias en materia educativa. Pola súa parte, o artigo 5 do citado real decreto establece que a convocatoria do concurso-oposición poderá incluír tamén os distintos procedementos de acceso, procedementos regulados no Real decreto 575/1991, do 22 de abril.

Por outra banda, o artigo 39 do Real decreto 850/1993, do 4 de xuño, establece que as administracións educativas determinarán, mediante as oportunas convocatorias, as especialidades que dentro do corpo de pertenza se poden adquirir mediante o procedemento descrito no título III do dito real decreto.

Na súa virtude, a Consellería de Educación e Ordenación Universitaria acorda anuncia-las seguintes convocatorias e correspondentes bases:

-Convocatoria do procedemento selectivo de acceso e ingreso ós corpos de profesores de ensino secundario e profesores técnicos de formación profesional.

-Convocatoria para a adquisición de novas especialidades no corpo de profesores de ensino secundario e profesores técnicos de formación profesional.

TÍTULO I

Procedementos de ingreso e acceso

Base común 1. Normas xerais.

1.1. Número de prazas.

Convócanse probas selectivas para cubrir 258 prazas correspondentes ós corpos de profesores de ensino secundario e profesores técnicos de formación profesional.

A distribución das prazas por corpos, polo sistema de cobertura e especialidades, é a seguinte:

-Corpo de profesores de ensino secundario (código 590).

Código especialidade	Especialidade	Acceso a corpos do mesmo grupo e nivel de complemento de destino	Reserva funcionarios corpos e escalas docentes grupo B	Prazas reservadas a discapacitados	Ingreso libre	Total

005	Xeografía e historia	-	5	-	5	10
006	Matemáticas	-	5	-	5	10
010	Francés	1	15	1	14	30
016	Música	-	10	1	9	20
018	Psicoloxía e pedagoxía		20	2	18	40
019	Tecnoloxía	-	9	1	10	20
105	Formación e orientación laboral	-	6	-	6	12
106	Hostalería e turismo	-	3	-	3	6
107	Informática	-	7	1	7	15
113	Organización e proxectos de sistemas enerxéticos	-	3	-	3	6
115	Procesos de producción agraria	-	3	-	3	6
116	Procesos na industria alimentaria	-	4	-	4	8
117	Procesos diagnóstico clínico e productos ortoprotésicos	-	6	-	6	12
124	Sistemas electrónicos	-	2	-	3	5
125	Sistemas electrotécnicos e automáticos	-	3	-	3	6

-Corpo de profesores técnicos de formación profesional (código 591).

Código especialidade	Especialidade	Prazas reservadas a discapacitados	Ingreso libre	Total

201	Cociña e pastelería	1	15	16
204	Fabricación e instalación de carpintería e moble		10	10
205	Instalacións e mantemento de equipos térmicos e fluídos		8	8
209	Mantemento de vehículos		6	6
227	Sistemas e aplicacións informáticas	1	11	12

1.2. Normativa aplicable.

A estes procedementos selectivos seranlles de aplicación: Lei orgánica 1/1990, do 3 de outubro, de ordenación xeral do sistema educativo; a Lei 17/1993, do 23 de decembro (BOE do 24 de decembro), sobre o acceso a determinados sectores da función pública dos nacionais dos demais estados membros da Unión Europea; o Real decreto 850/1993, do 4 de xuño (BOE do 30 de xuño), polo que se regula o ingreso e a adquisición de especialidades nos corpos de funcionarios docentes; o Real decreto 575/1991, do 22 de abril (BOE do 23 de abril), polo que se regula a mobilidade entre os corpos docentes e a adquisición da condición de catedrático, o Real decreto 1635/1995, do 6 de outubro, polo que se adscribe o profesorado dos corpos de profesores de ensino secundario e profesores técnicos de formación profesional ás especialidades propias da formación profesional específica; o Real decreto 1692/1995, do 20 de outubro, polo que se regula o título profesional de especialización didáctica, modificado

polo Real decreto 321/2000, do 3 de marzo, o Real decreto 777/1998, do 30 de abril, polo que se desenvolven determinados aspectos da ordenación da formación profesional no ámbito do sistema educativo e demais disposicións de aplicación xeral, así como o disposto nesta convocatoria.

1.3. Asignación de prazas ós tribunais: nas especialidades nas que se nomee máis dun tribunal, o número de prazas de ingreso libre que se asigne a cada un será proporcional ó número de aspirantes que se presentase por ese procedemento á primeira proba de carácter práctico.

Para tales efectos, os tribunais comunicarán telegraficamente á Dirección Xeral de Persoal o número de aspirantes que realizaron o primeiro exercicio, especificando os que acudan por cada sistema de acceso previsto nesta convocatoria.

1.4. Nas especialidades nas que se nomee máis dun tribunal, cando non exista un tribunal específico, os aspirantes que concorran polas reservas para acceso a corpos do mesmo grupo e nivel de complemento de destino e para os funcionarios dos corpos e escalas docentes clasificados no grupo B, pola reserva de discapacitados ou polo procedemento de adquisición doutra especialidade, serán asignados ó tribunal número un.

1.5. As prazas que, se é o caso, se acumulen ás libres en aplicación da base común 8 desta con

vocatoria, serán distribuídas entre os distintos tribunais da especialidade, seguindo o criterio de proporcionalidade establecido no punto 1.3.

1.6. A Dirección Xeral de Persoal, en función do establecido nesta base, unha vez recibidas as correspondentes certificacións dos tribunais, asignará a cada un o número de prazas que lle corresponda, que será incrementado, se é o caso, coas que puidesen resultar do previsto no punto 1.5. anterior.

1.7. De haber menos prazas para distribuír da quenda libre dunha especialidade que tribunais nomeados nela, as prazas serán asignadas a unha comisión de selección constituída polos presidentes de tódolos tribunais, que será o órgano responsable de elabora-la lista de aspirantes que superen o procedemento selectivo.

Base común 2. Requisitos dos candidatos.

Para seren admitidos ós procesos selectivos convocados nesta orde, os aspirantes deberán reuni-los seguintes requisitos:

2.1. Requisitos xerais.

a) Ser español ou, de acordo co establecido na Lei 17/1993, do 23 de decembro (BOE do 24 de decembro), sobre o acceso a determinados sectores da función pública, cidadán dos demais estados membros da Unión Europea, ou te-la nacionalidade dun país membro dela ou ser nacional de calquera dos estados ós que en virtude de tratados internacionais celebrados pola Unión Europea e ratificados por España sexa de aplicación a libre circulación de traballadores nos termos en que esta se encontra definida no tratado constitutivo da Unión Europea.

Tamén poderán participar o cónxuxe dos españois e dos nacionais doutros estados membros da Unión Europea, sempre que non estean separados de feito ou de dereito, así como os seus descendentes e os do seu cónxuxe menores de vinteún anos e maiores da dita idade que vivan ás súas expensas.

b) Ter cumpridos os dezaoito anos e non exceder, no momento do nomeamento como funcionario de carreira, a idade establecida para a xubilación forzosa.

c) Estar en posesión das titulacións que se especifican nesta base. No caso de que as ditas titulacións se obtivesen no estranxeiro, deberá terse concedida a correspondente homologación polo Estado español.

d) Non estar separado, mediante expediente disciplinario, do servicio de calquera das administracións públicas, nin estar inhabilitado para o desempeño de funcións públicas.

Os aspirantes a que se refire a letra a) desta base, cunha nacionalidade que non sexa a española, deberán acreditar, igualmente, non estar sometidos a sanción disciplinaria ou condena penal que impida, no seu Estado, o acceso á función pública.

e) Non padecer enfermidade nin estar afectado por limitación física ou psíquica que sexa incompatible co exercicio da docencia.

f) Non ser funcionario de carreira ou en prácticas do mesmo corpo ó que se aspira a ingresar, agás que se concorra ó procedemento para a adquisición de nova especialidade a que se refire o título II desta orde, no que os funcionarios de carreira poderán participar.

Tódolos requisitos anteriormente relacionados se deberán posuír no día en que remate o prazo de presentación de solicitudes e manter ata o momento da toma de posesión como funcionario de carreira.

2.2. Requisitos específicos para participar polo procedemento de ingreso libre.

Para participar polo procedemento de ingreso libre, os aspirantes deberán reunir, ademais das condicións xerais, os seguintes requisitos:

2.2.1 Para o corpo de profesores de ensino secundario:

a) Estar en posesión ou en condicións de obte-lo título de doutor, licenciado, enxeñeiro, arquitecto ou equivalente para efectos de docencia.

De conformidade co establecido no artigo 22 e no anexo VI.a) do Real decreto 777/1998, do 30 de abril, polo que se desenvolven determinados aspectos da ordenación da formación profesional no ámbito do sistema educativo, na disposición adicional primeira do Real decreto 850/1993, do 4 de xuño, e no artigo 1 do Real decreto 1542/1994, do 8 de xullo, son equivalentes para tales efectos as titulacións que se detallan para cada especialidade no anexo IX.

b) Estar en posesión do título profesional de especialización didáctica a que se refire o artigo 24.2º da Lei de ordenación xeral do sistema educativo, ou do certificado de aptitude pedagóxica.

Están dispensados deste requisito os aspirantes que posúan o título de mestres, diplomados en profesorado de educación xeral básica, mestres de ensino primario, licenciados en pedagoxía, licenciados en INEF, os que participen polas reservas establecidas nos puntos 4 e 5 desta base, así como os que pretendan ingresar nas especialidades de psicoloxía e pedagoxía ou de tecnoloxía ou algunha das especialidades correspondentes á formación profesional específica. Igualmente, de conformidade co establecido no Real decreto 1692/1995, do 20 de outubro, polo que se regula o título profesional de especialización didáctica, estarán dispensados os que acrediten ter prestada docencia efectiva no mesmo nivel educativo e na mesma especialidade na que aspiran a ingresar, durante dous cursos académicos completos, en centros públicos ou privados debidamente autorizados. A duración do curso respecto a este requisito entenderase de, alomenos, nove meses dentro do mesmo ano académico.

2.2.2 Para o corpo de profesores técnicos de formación profesional:

Estar en posesión da titulación, ou en condicións de obte-lo título de diplomado universitario, enxeñeiro técnico, arquitecto técnico ou equivalente para efectos de docencia. De conformidade co establecido no artigo 22.2 e no anexo VI.b) do Real decre

to 777/1998, do 30 de abril, son equivalentes para estes efectos as titulacións que se detallan para cada especialidade no anexo IX desta convocatoria.

Tamén se poderán presenta-los técnicos especialistas ou técnicos superiores nunha especialidade que pertenza á familia profesional correspondente, de conformidade coa disposición transitoria segunda do Real decreto 777/1998, do 30 de abril, sempre e cando acrediten, ademais, unha experiencia docente alomenos de dous anos en centros educativos públicos dependentes da Consellería de Educación e Ordenación Universitaria, e non se esgotasen as tres convocatorias previstas no citado real decreto.

2.3. Condicións específicas das prazas reservadas para os aspirantes con recoñecemento legal de discapacitado.

2.3.1. De conformidade co establecido na disposición adicional sétima da Lei 4/1988, do 26 de maio (DOG do 1 de xuño), segundo a redacción dada pola Lei 4/1991, do 8 de marzo (DOG do 13 de marzo), poderán concorrer a estas prazas as persoas que teñan a condición legal de discapacitado, sempre que reúnan as condicións xerais establecidas nesta convocatoria e, no seu momento, acrediten un grao de diminución de, polo menos, o 33% e a compatibilidade entre a diminución e o desenvolvemento das tarefas e funcións docentes propias do corpo ó que accedan, na correspondente especialidade, mediante certificación dos órganos competentes da Comunidade Autónoma ou, se é o caso, do Ministerio de Traballo e Asuntos Sociais.

2.3.2. Os procedementos selectivos realizaranse en condicións de igualdade cos aspirantes de libre acceso, sen prexuízo das adaptacións previstas no punto 7 da base común 5 desta convocatoria.

2.3.3. Se na realización das probas se lle presentasen dúbidas ó tribunal respecto da capacidade do aspirante para o desempeño das actividades habitualmente desenvolvidas polos funcionarios do corpo ou escala á que se opta, poderá pedi-lo correspondente dictame do órgano competente conforme o previsto no punto 2.3.1 desta base.

Os aspirantes que concorran por esta reserva só poderán participar nunha única especialidade por este sistema.

2.4. Condicións específicas dos candidatos ás prazas reservadas para os funcionarios dos corpos e escalas docentes clasificados no grupo B.

2.4.1. Poderán participar neste procedemento selectivo, para o que se reserva un 50 por 100 das prazas convocadas, os funcionarios dos corpos e escalas docentes clasificados no grupo B a que se refire a vixente lexislación da función pública que, ademais das condicións xerais, reúnen os seguintes requisitos:

a) Estar en posesión ou en condicións de obte-las titulacións esixidas que para o ingreso no corpo se esixen no punto 2.2 desta convocatoria.

b) Ter prestados, ó remate do prazo de presentación de solicitudes, servicios no seu corpo de orixe un mínimo de oito anos como funcionario de carreira.

2.4.2. Os aspirantes que opten por este procedemento de acceso non poderán concorrer á mesma especialidade polo ingreso libre. Así mesmo, só poderán concorrer a unha única especialidade por este procedemento.

2.5. Requisitos específicos para participar no procedemento de acceso a outros corpos docentes clasificados no mesmo grupo e nivel de complemento de destino.

2.5.1. Poderán participar neste procedemento os funcionarios de carreira de corpos e escalas docentes do mesmo grupo e nivel de complemento de destino daquel ó que optan, sen que se requira para iso ningún límite de antigüidade no seu corpo de orixe e sempre que posúan a titulación esixida para o ingreso no dito corpo.

2.5.2. O acceso a este corpo poderá realizarse pola mesma ou por distinta especialidade da que é titular no seu corpo de orixe.

2.5.3. Os aspirantes que opten por este sistema de acceso non poderán concorrer á mesma especialidade polo sistema de ingreso libre. Así mesmo, só poderán concorrer a unha especialidade por este procedemento.

2.6. Data na que deben posuírse estes requisitos.

Tódolos requisitos enumerados nesta base se deberán posuír no día en que finalice o prazo de presentación de solicitudes e manter ata a toma de posesión como funcionario de carreira.

Base común 3. Solicitudes e pagamento dos dereitos.

3.1.1. Os que desexen tomar parte no proceso selectivo deberán presentar instancia por duplicado, conforme o modelo que estará á súa disposición na Consellería de Educación e Ordenación Universitaria e nas súas delegacións provinciais.

Na instancia, que deberá ir xunto con dúas fotocopias do documento nacional de identidade, consignaranse os códigos do corpo e disciplinas que figuran nas bases desta convocatoria.

3.1.2. Os aspirantes que aleguen estar exentos de realiza-la proba de coñecementos da lingua galega, presentarán o correspondente documento xustificativo debidamente cotexado.

Así mesmo, os aspirantes que non posúan a nacionalidade española e, de conformidade co disposto no punto 7.2 desta orde, estean exentos da realización da proba previa de acreditación do coñecemento do castelán, deberán achegar para tal efecto o diploma superior do español como lingua estranxeira ou o certificado de aptitude en español para estranxeiros expedido polas escolas oficiais de idiomas, ou o título de licenciado en filoloxía hispánica ou románica.

3.1.3. Os aspirantes, de ingreso libre ou a prazas reservadas para discapacitados, deberán, así mesmo, presenta-lo documento que se xunta como anexo VI, relacionando tódolos méritos que alegan e xuntando tódolos documentos xustificativos, na forma que se establece no anexo I; enténdese que soamente se

tomarán en consideración aqueles méritos debidamente xustificados durante o prazo de presentación de solicitudes. Os demais aspirantes deberán presentar, se é o caso, os documentos xustificativos dos méritos que aleguen.

3.2. As persoas con minusvalidezes deberán indicar, no escrito que xunten á solicitude, a minusvalidez que padecen e solicita-las posibles adaptacións de tempo e medios para realizaren os exercicios nos casos en que estas adaptacións sexan necesarias.

3.3. As instancias dirixiranse á Dirección Xeral de Persoal da Consellería de Educación e Ordenación Universitaria, podendo ser presentadas:

a) No rexistro xeral da Consellería de Educación e Ordenación Universitaria.

b) Nas delegacións provinciais da Consellería de Educación e Ordenación Universitaria.

c) En calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de acordo coas condicións establecidas no citado precepto. No caso de que se optase por presenta-la solicitude ante unha oficina de correos, farano en sobre aberto, para que a instancia sexa datada e selada polo funcionario de correos antes de ser certificada.

3.4. Non poderá presentarse máis dunha solicitude a non ser que se opte a máis dunha especialidade. Neste caso, terán que presentar tantas solicitudes e documentación xustificativa de méritos, como número de especialidades ás que se opten.

3.5. Prazo de presentación de solicitudes.

O prazo de presentación de solicitudes será de vinte días naturais contados a partir do seguinte ó da publicación desta convocatoria no Diario Oficial de Galicia.

3.6. Importe e pagamento dos dereitos.

Os dereitos de exame serán os seguintes:

CorpoEuros

Profesores de ensino secundario 46,61

Profesores técnicos de formación profesional 40,75

Estarán exentos do pagamento dos dereitos de exame as persoas con discapacidade igual ou superior ó 33% debidamente acreditada.

O importe dos dereitos de exame e, se é o caso, os gastos de transferencia correspondentes farase utilizando o impreso de autoliquidación sinalado no anexo X. O dito impreso facilitaráselles ós interesados xunto co impreso de solicitude, e debese cubrir cos códigos que figuran no referido anexo.

A non presentación deste anexo, dentro de prazo, no que figure o selo da entidade bancaria, determinará a exclusión do aspirante. En ningún caso a presentación deste anexo, suporá substitución do trámite de presentación, en tempo e forma, da solicitude.

Base común 4. Admisión de aspirantes.

4.1. Lista provisional.

Transcorrido o prazo de presentación de instancias, a Dirección Xeral de Persoal fará pública no Diario Oficial de Galicia a lista provisional de admitidos e excluídos, por corpos, disciplinas e reservas. Nesta lista aparecerán, cando menos, apelidos, nome e número de documento nacional de identidade dos aspirantes.

4.2. Reclamación contra a lista provisional.

Contra a lista provisional, os interesados poderán interpoñer, no prazo de 10 días naturais, a partir do seguinte ó da súa publicación no Diario Oficial de Galicia, e perante a Dirección Xeral de Persoal, as reclamacións que coiden oportunas, de acordo co disposto no artigo 71 da Lei 30/1992, do 26 de novembro.

4.3. Lista definitiva.

As reclamacións presentadas serán aceptadas ou rexeitadas na resolución pola que se aprobe a lista definitiva de admitidos e excluídos, que igualmente se publicará no Diario Oficial de Galicia.

O feito de figurar na relación de admitidos non prexulga que se lles recoñeza ós interesados a posesión dos requisitos esixidos nos procedementos que se convocan mediante esta orde. Cando, da documentación que debe presentarse no caso de ser aprobados, se desprenda que non posúen algún dos requisitos, os interesados decaerán en tódolos dereitos que puidesen derivarse da súa participación nestes procedementos.

4.4. Recurso contra a lista definitiva.

Contra a resolución que aprobe a lista definitiva de admitidos e excluídos, os interesados poderán interpoñer recurso de alzada perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto no artigo 115 da citada Lei 30/1992, do 26 de novembro, segundo a redacción dada pola Lei 4/1999.

4.5. Reintegro dos dereitos de exame.

Os dereitos de exame seranlles reintegrados, por petición dos interesados, ós aspirantes que fosen excluídos definitivamente da realización dos procedementos selectivos, por falta dalgún dos requisitos para tomaren parte nas devanditas probas.

Base común 5. Órganos de selección.

A selección dos participantes será realizada polos tribunais.

5.1. Tribunais cualificadores.

A Dirección Xeral de Persoal da Consellería de Educación e Ordenación Universitaria procederá ó nomeamento dos tribunais que xulgarán o proceso selectivo, e fará pública a súa composición no Diario Oficial de Galicia.

Poderanse nomear tódolos tribunais que se xulguen necesarios. Así mesmo, excepcionalmente, poderá nomearse un só tribunal para máis dunha disciplina.

Naquelas especialidades nas que o número de aspirantes o aconselle, a Dirección Xeral de Persoal da Consellería de Educación e Ordenación Universitaria poderá nomear tribunais específicos que valorarán o proceso selectivo das prazas reservadas ós procedementos previstos nos puntos 4 e 5 da base 2 e no título II desta orde.

5.2. Comisións de selección. No caso previsto no punto 7 da base común 1 constituiranse comisións de selección coa composición que alí se indica.

5.3. Os tribunais estarán constituídos, de acordo co determinado polo Real decreto 850/1993, do 4 de xuño, por funcionarios de carreira en activo dos corpos docentes correspondentes ou do corpo de inspectores ó servicio da Administración educativa ou de corpos docentes universitarios. Na súa designación velarase polo cumprimento do principio de especialidade, polo que, cando sexa posible, a maioría dos seus membros deberán ser titulares da especialidade obxecto do proceso selectivo.

En todo caso, os membros dos tribunais pertencerán a corpos de igual ou superior grupo ó do corpo ó que optan os aspirantes.

Con carácter xeral, os tribunais estarán compostos por:

-Un presidente, designado directamente pola Dirección Xeral de Persoal da Consellería de Educación e Ordenación Universitaria.

-Catro vocais, designados mediante sorteo público entre os funcionarios do corpo e especialidade correspondente.

Excepcionalmente, cando as características da especialidade así o aconsellen, a Dirección Xeral de Persoal poderá proceder a designar directamente estes vocais.

5.3.1. Tribunais suplentes.

Para cada tribunal poderase designar polo mesmo procedemento un tribunal suplente.

5.4. Constitución dos tribunais.

5.4.1. Logo da convocatoria do presidente constituiranse os tribunais, e é precisa a asistencia do presidente titular, ou, se é o caso, do suplente e de, polo menos, tres vocais.

Na citada sesión acordarán tódalas decisións que lles correspondan para o correcto desenvolvemento dos procedementos selectivos.

Actuará como secretario o vocal con menor antigüidade no corpo, agás que o tribunal acorde determinalo doutra maneira.

5.4.2. Salvo que concorran circunstancias excepcionais, que serán apreciadas pola Dirección Xeral de Persoal, unha vez constituídos os tribunais só poderán actua-los membros presentes no acto de constitución e bastará coa asistencia de tres deles para a validez das sesións.

5.4.3. A suplencia do presidente será autorizada pola Dirección Xeral de Persoal, segundo corresponda; a dos vocais, polo presidente que vaia actuar,

tendo en conta que deberá recaer no vocal suplente respectivo ou, no seu defecto, nos que o sigan segundo a orde en que figuren na disposición que os nomeou.

5.5. Competencias dos tribunais.

Correspóndelles ós tribunais a cualificación das probas a que se refiren os puntos 2, 3, 4, 5 e 6 da base 7 desta convocatoria e as seguintes:

a) Elaboración dos exercicios a que aluden as bases 7.4, 7.6, 7.7 e base común 19 desta convocatoria.

b) Coordinación en canto á data de comezo da proba, que será simultánea naquelas especialidades nas que se nomea máis de un tribunal.

c)Agregación das puntuacións correspondentes ás distintas fases do procedemento selectivo, ordenación dos aspirantes e declaración dos aspirantes que superaron este procedemento.

d) Elaboración e publicación das listas de aspirantes seleccionados, así como elevación destas á Consellería de Educación e Ordenación Universitaria.

As competencias das letras c) e d) serán realizadas, cando se constitúan, polas comisións de selección.

A actuación dos tribunais axustarase en todo o proceso ó disposto na Lei 30/1992, de réxime xurídico das administracións públicas e do procedemento administrativo común.

5.6. Asesores especialistas.

Os tribunais poderán solicita-la incorporación ós seus traballos de asesores especialistas, limitándose os devanditos asesores a prestaren a súa colaboración nas súas especialidades técnicas. A designación de tales asesores corresponderá á Dirección Xeral de Persoal.

5.7. Adaptación de tempo e medios.

Os tribunais cualificadores adoptarán as medidas necesarias para que os aspirantes con minusvalidez gocen de similares oportunidades para a realización das probas có resto dos participantes. Neste sentido estableceranse, para as persoas con minusvalidez que o soliciten, as adaptacións posibles de tempo e medios para a súa realización.

5.8. Abstención e recusación dos tribunais.

Os membros dos tribunais absteranse de intervir se se desen as circunstancias sinaladas no artigo 28 da Lei 30/1992, do 26 de novembro, de réxime xurídico das administracións públicas e do procedemento administrativo común. Do mesmo xeito, de acordo co artigo 11.2º do Real decreto 850/1993, do 4 de xuño, deberán absterse de actuar aqueles membros que realizasen tarefas de preparación de aspirantes ós procedementos selectivos nos cinco anos anteriores a esta publicación.

Así mesmo, os aspirantes poderán recusa-los membros do tribunal cando concorran as circunstancias previstas no parágrafo anterior, de acordo co artigo 29 da Lei 30/1992, do 26 de novembro.

5.9. Categoría dos tribunais.

Os tribunais que actúen no proceso selectivo estarán incluídos, para os efectos que prevé o Decreto 144/2001, do 7 de xuño (DOG do 25 de xuño), dentro da categoría primeira.

Base común 6. Comezo e desenvolvemento das probas.

6.1. Comezo.

Estas probas selectivas non darán comezo con anterioridade ó 24 de xuño de 2002, agás a proba de coñecementos de lingua castelá.

6.2. Orde de actuación.

A actuación dos aspirantes, cando esta non sexa simultánea, realizarase pola seguinte orde:

a) Se é o caso, aspirantes que concorran polo procedemento de adquisición doutra especialidade.

b) Se é o caso, aspirantes que concorran pola quenda de prazas reservadas ós funcionarios docentes pertencentes a corpos clasificados no mesmo grupo e nivel de complemento de destino.

c) Se é o caso, aspirantes que concorran pola quenda de prazas reservadas ós funcionarios dos corpos e escalas docentes clasificados no grupo B, por orde alfabética, de acordo coas normas do parágrafo seguinte.

d) Os restantes aspirantes, por orde alfabética, comezando por aqueles que teñan como inicial do primeiro apelido a letra S, obtida no último sorteo realizado pola Consellería da Presidencia e Administración Pública o día 26 de febreiro de 2002. Os tribunais que non conten con aspirantes dos que o primeiro apelido comece pola letra indicada, iniciarán a orde de actuación coa letra ou letras seguintes.

6.3. Citación dos aspirantes.

Os aspirantes serán convocados, a través do Diario Oficial de Galicia, para o acto de presentación, a realización da proba de coñecementos da lingua castelá, a de coñecementos da lingua galega e a primeira das probas previstas no punto 4 da base 7 desta convocatoria, con 10 días naturais de antelación, como mínimo, indicando a data, a hora e o lugar no que se realizarán estes actos.

6.4. Os aspirantes serán convocados para o acto de presentación e para cada proba en único chamamento e serán excluídos do proceso selectivo os que non comparezan, salvo nos casos de forza maior debidamente xustificados e libremente apreciados polo tribunal.

6.5. Unha vez comezados os procedementos selectivos, non será obrigatoria a publicación dos chamamentos individuais ou colectivos dos aspirantes a través do Diario Oficial de Galicia. Estes anuncios deberaos facer públicos o tribunal nos locais onde teñan lugar as probas con 12 horas de antelación, se se trata do mesmo exercicio, ou de 24 horas se se trata dun exercicio distinto. Desde o remate dunha proba e ata o comezo da seguinte deberá transcorrer un prazo mínimo de 48 horas.

6.6. Identificación dos aspirantes.

O tribunal poderá requirir en calquera momento dos aspirantes que acrediten a súa identidade.

6.7. Exclusión dos aspirantes.

En calquera momento do proceso selectivo, se os tribunais tivesen coñecemento de que algún dos aspirantes non posúe a totalidade dos requisitos esixidos por esta convocatoria, logo de audiencia do interesado, deberán propoñe-la súa exclusión á Dirección Xeral de Persoal, poñendo no seu coñecemento as inexactitudes ou falsidades formuladas polo aspirante na solicitude de admisión ós procedementos selectivos, para os efectos procedentes.

Contra a exclusión, o aspirante poderá interpoñer recurso de alzada perante o conselleiro de Educación e Ordenación Universitaria.

6.8. As probas correspondentes ás especialidades de idiomas modernos desenvolveranse no idioma correspondente.

Base común 7. Sistema de selección.

7.1. Fase de concurso.

Nesta fase, que en ningún caso terá carácter eliminatorio, valoraranse os méritos que concorran nos aspirantes ó remate do prazo de solicitudes sinalado no punto 6 da base 3, conforme o baremo que se inclúe como anexos I, II e III desta convocatoria, de acordo cos documentos presentados polos aspirantes, segundo participen pola quenda libre ou de reserva para funcionarios dos corpos e escalas docentes do grupo B en que se estructura a función pública, ou de acceso a corpos docentes clasificados no mesmo grupo e nivel de complemento de destino.

Esta valoración será efectuada en nome dos tribunais, por unha comisión integrada por funcionarios da Consellería de Educación e Ordenación Universitaria. Poderá estar presente un representante de cada sindicato con presencia na mesa sectorial docente non universitaria, con voz e sen voto.

Non obstante o disposto no parágrafo anterior, os puntos 3.2 do anexo II e 3.2 e 3.3 do anexo III serán valorados polos propios tribunais.

A puntuación, por epígrafes e por especialidades farase pública, na Consellería de Educación e Ordenación Universitaria e nas súas delegacións provinciais.

Contra esta puntuación poderase presentar reclamación, no prazo de dez días naturais, nas delegacións provinciais da Consellería de Educación e Ordenación Universitaria, dirixida á Dirección Xeral de Persoal.

Resoltas as reclamacións, procederase a publica-la puntuación definitiva de cada aspirante nos distintos epígrafes do baremo. Contra esta resolución poderá interpoñerse recurso de alzada, no prazo dun mes, perante o conselleiro de Educación e Ordenación Universitaria.

A recuperación da documentación presentada poderán realizala os aspirantes no lugar e durante o prazo que se determine na orde pola que se faga

pública a lista de aprobados polos distintos procedementos selectivos, agás a documentación necesaria para o seu nomeamento como funcionario, sempre e cando non exista interposto recurso por parte dalgún aspirante, pois neste caso poderán ser retidas para efectos de comprobación ou proba. No suposto de non ser retirada no prazo sinalado, entenderase que o aspirante renuncia á súa recuperación, decaendo, polo tanto, no seu dereito.

7.2. Proba de acreditación do coñecemento do castelán para os aspirantes que non posúan a nacionalidade española.

Os aspirantes que non posúan a nacionalidade española deberán acredita-lo coñecemento do castelán mediante a realización dunha proba na que se comprobará que posúen un nivel adecuado de comprensión e expresión oral e escrita nesta lingua. Esta proba será a primeira que se vai realizar dentro do proceso selectivo.

Están exentos da realización da proba a que se refire o parágrafo anterior os que estean en posesión do diploma superior de español como lingua estranxeira, establecido polo Real decreto 826/1988, do 20 de xullo (BOE do 29 de xullo), modificado e completado polo Real decreto 1/1992, do 10 de xaneiro (BOE do 15 de xaneiro), ou en posesión do certificado de aptitude en español para estranxeiros expedido polas escolas oficiais de idiomas ou licenciados en filoloxía hispánica ou románica.

O contido da proba de acreditación do coñecemento do castelán será determinado por cada tribunal, tomando como referencia o disposto no anexo III do Real decreto 826/1988, do 20 de xullo, polo que se establecen diplomas acreditativos do coñecemento do español como lingua estranxeira.

Os tribunais cualificarán esta proba de apto ou non apto, e será necesario obte-la valoración de apto para poder realiza-las restantes probas.

7.3. Proba de coñecementos da lingua galega.

Esta proba, que se levará a cabo de forma escrita, consistirá na resposta a varias cuestións sobre o temario de lingua galega que figura no anexo VIII, e unha traducción do castelán para o galego. Non terá carácter eliminatorio, agás no caso das especialidades de xeografía e historia, bioloxía e xeoloxía e tecnoloxía e tódalas correspondentes á formación profesional específica do corpo de profesores de ensino secundario. Así mesmo, será eliminatorio en tódalas especialidades correspondentes ó corpo de profesores técnicos de formación profesional. A dita proba, que será facilitada ós tribunais pola Dirección Xeral de Persoal, deberán realizala a totalidade de aspirantes que non estean exentos, e será a segunda que se realizará dentro do proceso selectivo.

Quedan exentos da realización desta proba os aspirantes que se presenten á disciplina de lingua e literatura galega, os que teñan superado, con anterioridade ó peche do prazo de presentación de solicitudes, o curso de perfeccionamento en lingua galega ou conten coa súa validación feita pola Dirección Xeral de Política Lingüística ou órgano competente, os licenciados en filoloxía galego-portuguesa e os

que teñan superado o curso de especialización en lingua galega e o xustifiquen no prazo de presentación de solicitudes.

O tempo para a realización da proba será dunha hora e non se poderá utilizar diccionario. A súa cualificación será apto ou non apto.

Esta proba valorarase, para os aspirantes que concorran polas especialidades nas que teña carácter eliminatorio antes da realización da proba establecida no epígrafe seguinte.

Para os aspirantes das demais especialidades, poderanse valorar unicamente os que resulten seleccionados segundo a base común 9 desta convocatoria, ó final do proceso selectivo.

Os aspirantes que superaron o proceso selectivo nalgunha das especialidades nas que a proba de comprensión oral e escrita de lingua galega non teña carácter eliminatorio e non obtivesen nela cualificación de apto, deberán acreditar que superaron un curso de iniciación e outro de perfeccionamento de lingua galega dos convocados pola Dirección Xeral de Política Lingüística, no prazo máximo de dous anos.

7.4. Da fase de oposición nos procedementos selectivos de ingreso libre e reserva de minusválidos.

7.4.1. A valoración das probas a que se refire este punto, versará sobre os coñecementos específicos dos candidatos necesarios para impartir docencia, a súa aptitude pedagóxica e o seu dominio das técnicas necesarias para o exercicio docente.

7.4.2. A valoración destes coñecementos levarase a cabo a través da realización polo aspirante ante o tribunal das seguintes probas:

Primeira.-Proba de contido de carácter práctico e que se axustará, para cada especialidade, ó disposto no anexo VII desta orde. O tempo asignado para a realización desta proba será establecido polos tribunais.

Os tribunais cualificarán esta proba de cero a dez puntos. Para a súa superación os candidatos deberán obter unha puntuación igual ou superior a cinco puntos. Finalizada esta proba, os tribunais exporán no taboleiro de anuncios dos locais onde se realizou, a puntuación obtida polos aspirantes que a superaron.

Segunda.-Os aspirantes que superaron a primeira proba realizarán a segunda, consistente no desenvolvemento por escrito de dous temas. O primeiro dos temas será elixido polo candidato de entre dous, extraídos ó chou polo tribunal, dos correspondentes á parte A do temario. O segundo tema será extraído ó chou polo tribunal dos correspondentes á parte B do temario.

Para o desenvolvemento destes exercicios os aspirantes disporán de catro horas: dúas horas para cada un dos temas.

Os tribunais cualificarán esta proba de cero a dez puntos, e corresponderá un 70 por 100 da puntuación para o primeiro dos temas e un 30 por 100 para o segundo tema. Para a superación desta proba os

candidatos deberán obter unha puntuación igual ou superior a cinco puntos. Finalizada esta proba, os tribunais exporán nos taboleiros de anuncios dos locais onde se realizou, as puntuacións obtidas polos aspirantes que a superasen.

Terceira.-Os aspirantes que superasen a segunda proba realizarán esta terceira, consistente na exposición oral dun tema elixido polo candidato entre dous extraídos ó chou por el da parte A do temario da especialidade. A exposición terá dúas partes, agás na especialidade de psicoloxía e pedagoxía, que se reducirá á primeira. A primeira delas versará sobre os aspectos científicos ou de contido do tema. Na segunda, o opositor deberá facer referencia á relación do tema co currículo establecido pola Consellería de Educación e Ordenación Universitaria, así como ó tratamento didáctico. O tratamento didáctico consistirá na programación didáctica do tema elixido, ou dunha unidade didáctica extraída del, indicando en calquera caso os obxectivos, contidos, actividades de ensino e aprendizaxe e de avaliación, así como os recursos necesarios para o seu desenvolvemento.

Con esta finalidade, os candidatos poderán elixi-lo curso da educación secundaria obrigatoria, ou do bacharelato, sobre o que realizarán este suposto didáctico. Para as especialidades específicas de formación profesional, dos corpos de profesores de ensino secundario e profesores técnicos de formación profesional, elixirase un curso ou ciclo formativo de formación profesional.

Finalizada a exposición, o tribunal poderá debater co candidato sobre o contido da súa intervención.

A exposición e o debate precitados terán unha duración máxima respectivamente, dunha hora e quince minutos. O opositor disporá de dúas horas para a súa preparación, podendo utilizar nela o material que coide oportuno.

Os tribunais cualificarán diferencialmente cada unha das dúas partes das que consta a exposición oral do tema elixido. A primeira destas partes será cualificada polo tribunal de 0 a 7 puntos e a segunda de 0 a 3 puntos.

Os tribunais cualificarán esta proba entre 0 a 10 puntos.

Para supera-la proba, os aspirantes deberán obter unha puntuación igual ou superior a cinco puntos.

Os tribunais, na convocatoria ós opositores, dictarán as instruccións que consideren necesarias para o desenvolvemento da proba, así como, se ó o caso, o tempo asignado para a súa realización polos aspirantes.

7.5. A cualificación correspondente a esta fase de oposición será a media aritmética das puntuacións obtidas nas probas integrantes cando todas elas fosen superadas.

A puntuación obtida na fase de concurso sumaráselles unicamente a aqueles aspirantes que superasen as probas correspondentes á fase de oposición, coa finalidade de obte-la puntuación global a que se refire o punto 2 da base 9 desta orde.

7.6. Fase de oposición nos procedementos selectivos de acceso a corpos de grupo superior.

A proba terá por obxecto valorar tanto os coñecementos sobre a materia como os recursos didácticos e pedagóxicos dos candidatos. Esta proba dividirase en dúas partes:

Primeira parte: de contido de carácter práctico e que se axustará, para cada especialidade, ó disposto no anexo VII desta orde. O tempo asignado para a realización desta proba será establecido polos tribunais.

Segunda parte: consistirá na exposición, á que seguirá, se é o caso, un debate, ambos orais, dun tema da especialidade á que se opte, elixido polo opositor entre seis, extraídos por sorteo, de entre os que compoñen a parte A do temario da súa especialidade.

A exposición terá dúas partes, agás na especialidade de psicoloxía e pedagoxía, que se reducirá á primeira. A primeira delas versará sobre os aspectos científicos do tema. Na segunda, o aspirante deberá facer referencia á relación do tema co currículo establecido pola Consellería de Educación e Ordenación Universitaria así como o seu tratamento didáctico.

O tratamento didáctico consistirá na programación didáctica do tema elixido, ou dunha unidade didáctica extraída del, indicando, en calquera caso, os obxectivos, contidos, actividades de ensino e aprendizaxe e de avaliación, así como os recursos necesarios para o seu desenvolvemento.

Con esta finalidade o aspirante poderá elixi-lo curso da educación secundaria obrigatoria ou do bacharelato sobre o que realizará ese suposto didáctico. Para as especialidades específicas de formación profesional elixirase un curso ou un ciclo formativo.

O candidato disporá de dúas horas para a súa preparación, e poderá utiliza-lo material que considere oportuno. A exposición e a proposta didáctica terá unha duración máxima dunha hora. A duración máxima do debate será, se é o caso, de quince minutos.

Os tribunais cualificarán esta proba de cero a dez puntos, e os aspirantes deberán alcanzar, para a súa superación, un mínimo de catro puntos. Finalizada a proba, os tribunais procederán a sumarlles, ós aspirantes que a superaron, as puntuacións correspondentes á proba e á fase de concurso, e a determinación dos aspirantes que superaron os procedementos selectivos de conformidade co previsto no punto 1 da base 9 desta convocatoria.

7.7. En cada unha das probas da fase de oposición, se se trata do procedemento de ingreso libre, ou na proba de valoración de coñecementos, se se trata dos procedementos de acceso, a puntuación de cada aspirante será a media aritmética das cualificacións de tódolos membros presentes do tribunal. Cando entre as puntuacións outorgadas polos membros do tribunal exista unha diferencia de tres ou máis enteiros, serán automaticamente excluídas as cualificacións máxima e mínima, calculándose a puntuación media entre as cualificacións restantes. No caso de

empate entre cualificacións máximas ou mínimas, unicamente será excluída unha delas.

7.8. Os temarios correspondentes que rexerán para a realización das probas a que se refiren os puntos 7.4, 7.5 e 7.6, serán os indicados no anexo IV desta orde.

7.9. Naquelas probas que non consistan nunha exposición oral ante o tribunal, os candidatos lerán os exercicios en sesión pública ante o tribunal agás naqueles casos nos que pola natureza dos exercicios os tribunais dispoñan outra cousa.

7.10. Conforme determina o Real decreto 182/1993, do 5 de febreiro (BOE do 23 de febreiro), os aspirantes que teñan a condición de funcionarios de organismos internacionais e posúan a nacionalidade española, quedarán exentos da realización daquelas probas que a Comisión Permanente de Homologación, que se crea no mencionado real decreto, considere que teñen por obxecto acreditar coñecementos xa esixidos para o desempeño dos seus postos de orixe no organismo internacional correspondente.

Con esa finalidade, a certificación de homologación prevista no artigo 7 do Real decreto 182/1993, terá que se lle presentar xunto coa solicitude pola que o aspirante solicita tomar parte no proceso selectivo e, con carácter excepcional, ó tribunal ó que corresponda xulga-los méritos e capacidade de tódolos aspirantes, con antelación á realización das correspondentes probas. Nos exercicios dos que se eximen os aspirantes, outorgaráselle a cualificación mínima esixida na convocatoria para a súa superación.

Os interesados poderán renunciar a esta cualificación e participar nas probas das que foron eximidos en igualdade de condicións có resto dos aspirantes da quenda libre. Tal renuncia efectuarase con anterioridade ó inicio das probas selectivas.

Base común 8. Forma de cubri-las prazas de reserva.

Cada tribunal, para os efectos de cubri-las prazas obxecto desta convocatoria polo proceso selectivo libre e as súas reservas, axustarase ás seguintes normas:

a) Se houbese un número suficiente de aspirantes que cumpran os requisitos mínimos para aprobar, entre os aspirantes que concorran ás prazas reservadas, a totalidade destas prazas adxudicaránselles a estes opositores, calquera que sexa a súa puntuación.

b) Aqueles opositores que concorran ás prazas reservadas para minusválidos e que, reunindo os requisitos mínimos para aprobar, excedan do número de prazas asignadas ó tribunal para esta reserva, concorrerán á formación da lista de aprobados do tribunal en igualdade de condicións cós das prazas libres segundo a súa puntuación e tal e como se determina na base común 9.

c) No caso de que existisen prazas de calquera das reservas que non puidesen ser cubertas por non existir un número suficiente de aspirantes con pun

tuación mínima requirida, estas acumularanse ás libres.

Base común 9. Superación do procedemento selectivo.

9.1. Seleccionados polos procedementos de acceso a corpos docentes de grupo superior e de acceso a corpos docentes clasificados no mesmo grupo e nivel de complemento de destino.

a) Resultarán seleccionados aqueles candidatos que, obtendo un mínimo de catro puntos na proba, e ó seren ordenados segundo a suma das puntuacións alcanzadas no concurso e na proba, obteñan un número de orde igual ou inferior ó número de prazas asignadas ó procedemento polo que participan.

b) Os posibles empates resolveranse atendendo sucesivamente ós seguintes criterios.

1. Maior puntuación na proba.

2. Maior puntuación no punto 1 do baremo que se publica como anexos II e III a esta convocatoria.

3. Maior puntuación no punto 2.

4. Maior puntuación no punto 3.

5. Maior puntuación nos subpuntos 1.1, 1.2, 2.1, 2.2, 3.1, 3.2, e 3.3 por esta orde.

6. No caso de que persista o empate, este dirimirase por sorteo público.

9.2. Seleccionados pola quenda libre e quenda de reserva de minusválidos.

a) Superarán estes procedementos aqueles aspirantes ós que, ordenados segundo a puntuación global asignada de conformidade co disposto no artigo 31 do Real decreto 850/1993, do 4 de xuño lles corresponda un número de orde igual ou inferior ó número de prazas asignadas ó tribunal correspondente.

Para a obtención da puntuación global, o tribunal ponderará en dous tercios a puntuación obtida na fase de oposición a que se refire o punto 4 da base 7 desta orde, e nun tercio a puntuación obtida na fase de concurso, resultando a puntuación global da suma de ámbalas fases unha vez realizadas as ponderacións mencionadas.

b) Os posibles empates resolveranse atendendo sucesivamente ós seguintes criterios:

1. Maior puntuación na fase de oposición.

2. Maior puntuación en cada un dos exercicios da oposición, pola orde en que estes se realizaron.

3. Maior puntuación nos puntos do baremo de méritos pola orde en que estes aparecen na convocatoria.

4. Maior puntuación nos subpuntos do baremo, pola orde en que estes aparecen na convocatoria.

5. No caso de que persista o empate, este dirimirase por sorteo público.

9.3. Orde da relación.

Os tribunais confeccionarán a correspondente relación de aspirantes que superasen as probas ata o

número de prazas que lles foron asignadas, figurando en primeiro lugar os aspirantes aprobados polo procedemento de acceso a corpos docentes do mesmo grupo e nivel de complemento de destino; en segundo lugar os da quenda de acceso desde corpos de distinto grupo e, en terceiro lugar, os ingresados pola quenda libre. Dentro de cada un destes grupos os aspirantes seleccionados ordenaranse de acordo co establecido nas bases anteriores.

Esta relación farase pública no taboleiro de anuncios do local ou locais nos que teñen lugar as probas.

Contra estas listas poderán os interesados interpoñer, de conformidade co disposto nos artigos 107 e 114 da Lei de réxime xurídico das administracións públicas e do procedemento administrativo común, recurso de alzada ante o director xeral de Persoal.

9.4. En ningún caso os tribunais poderán aprobar nin declarar que superaron o proceso selectivo un número superior de aspirantes ó de prazas asignadas a cada tribunal. Calquera proposta de aprobados que contraveña o establecido neste punto será nula de pleno dereito.

9.5. Opción dos opositores que superen as probas en máis dunha disciplina.

Os aspirantes que superen as probas por dúas ou máis especialidades do mesmo corpo deberán optar por un dos postos, no prazo de dez días contados a partir da publicación no Diario Oficial de Galicia da lista de opositores aprobados, e poderán solicitar prórroga para a realización do período de prácticas no outro posto.

De conformidade co disposto no artigo 33 do Real decreto 850/1993, do 4 de xuño, estes aspirantes quedarán exentos da realización da fase de prácticas na especialidade na que non as realicen cando acrediten ter prestado, alomenos, un curso escolar como funcionarios docentes de carreira.

Os aspirantes que superen, no mesmo corpo e disciplina, os procedementos selectivos convocados por esta consellería e polo Ministerio de Educación e Cultura ou outra Comunidade Autónoma con competencias en materia educativa, se optasen polo posto de traballo correspondente ó ámbito da Consellería de Educación e Ordenación Universitaria, deberán presentar instancia neste sentido dirixida á Dirección Xeral de Persoal, xunto coa copia de renuncia ó outro posto de traballo, no prazo de dez días, contados a partir da publicación no Diario Oficial de Galicia da lista de aspirantes aprobados.

9.6. Publicación da lista de aprobados.

A Consellería de Educación e Ordenación Universitaria elaborará, cando exista máis dun tribunal por especialidade, a lista de aprobados e publicará no Diario Oficial de Galicia as listas únicas de aprobados por corpos e especialidades, segundo se detalla nos puntos anteriores.

Base común 10. Presentación de documentos.

10.1. No prazo de 20 días naturais contados desde o día seguinte a aquel no que se fagan públicas as listas de aprobados no Diario Oficial de Galicia,

os aspirantes aprobados deberán presentar perante a Consellería de Educación e Ordenación Universitaria os seguintes documentos:

a) Fotocopia compulsada do título esixido para o ingreso no correspondente corpo ou certificación académica que acredite que realizaron tódolos estudios para a obtención do título, xunto coa fotocopia compulsada do recibo acreditativo conforme se efectuou o pagamento correspondente dos dereitos de expedición, agás se calquera dos dous documentos fose presentado para a súa valoración como mérito.

Aqueles aspirantes ós que lles sexa de aplicación a disposición transitoria segunda do Real decreto 777/1998, do 30 de abril, deberán acredita-la súa experiencia docente durante alomenos dous anos en centros educativos públicos dependentes da Consellería de Educación e Ordenación Universitaria. A acreditación realizarase conforme o previsto no punto II do anexo I desta orde, agás que xa fose presentada como mérito.

b) Certificado médico acreditativo de non padecer ningunha enfermidade nin estar afectado por limitación física ou psíquica que sexa incompatible co exercicio da docencia.

Os aspirantes que fixesen vale-la súa condición de persoas con discapacidade deberán presentar certificación dos órganos competentes da Consellería de Sanidade e Servicios Sociais que acredite tal condición, e tamén terán que presentar certificado dos citados órganos ou da Administración sanitaria, acreditativo da compatibilidade co desempeño das tarefas e funcións correspondentes.

c) Declaración xurada ou promesa de que non foron separados mediante expediente disciplinario, do servicio de ningunha Administración pública, e de non estar inhabilitados para o exercicio de funcións públicas, conforme o modelo que figura como anexo V a esta convocatoria.

Igualmente, os aspirantes que non posúan a nacionalidade española deberán presentar declaración xurada ou promesa de non estar sometidos a sanción disciplinaria ou condena penal que impida no seu Estado o acceso á función pública, segundo o mesmo modelo do anexo V.

d) Os aspirantes que fixeron vale-la súa condición legal de discapacitado presentarán a certificación á que se fai referencia no punto 2.3.1 desta orde.

e) Certificado de aptitude pedagóxica ou, se é o caso, documentación xustificativa que acredite a dispensa deste requisito.

Cando se alegue, en substitución do certificado de aptitude pedagóxica, docencia efectiva no mesmo nivel educativo e na mesma especialidade durante dous cursos académicos, acreditarase:

-Se se trata dun centro público, mediante certificación, na que conste a data de inicio e fin, o nivel educativo e a especialidade, expedida polo secretario do centro, co visto e prace do director e o contrato expedido polo organismo correspondente.

-Se se trata dun centro privado dos mencionados no punto 2.2.1 b) desta convocatoria, mediante certificación, na que conste a data de inicio e fin, o nivel educativo e a especialidade, expedida polo director do centro, co visto e prace dos servicios de Inspección Técnica Educativa correspondente.

10.2. Excepcións.

Os que teñan a condición de funcionarios públicos de carreira e estean en situación de servicio activo estarán exentos de xustificar documentalmente as condicións e requisitos xa demostrados para obte-lo seu anterior nomeamento; deberán presentar en tal caso unha certificación ou folla de servicios do organismo do que dependan, na que se consignen de forma expresa os seguintes datos:

a) Corpo ó que pertence, número de rexistro persoal e se está en servicio activo.

b) Lugar e data de nacemento.

c) Título académico que posúen e data de expedición.

d) Se superaron as probas para acceso ó corpo de profesores de ensino secundario, certificado de aptitude pedagóxica ou certificado acreditativo de ter exercida docencia, durante dous cursos académicos como profesor en plenitude de funcións a nivel de ensinanzas secundarias, nalgún dos centros que se citan na correspondente base específica, ou documento acreditativo de estar en posesión da titulación de profesor de educación xeral básica ou da licenciatura universitaria na especialidade de pedagoxía ou INEF.

Cando as certificacións ou follas de servicios se refiran a funcionarios que superaron o proceso selectivo polos procedementos de acceso a corpos docentes clasificados no mesmo grupo e nivel de complemento de destino ou a outro corpo docente de grupo superior, recollerán expresamente que reúnen tódolos requisitos esixidos.

Se nas certificacións non se poden facer consta-los datos sinalados nas letras c) e d), por non estar nos expedientes persoais dos interesados, estes deberán remitir separadamente os documentos que os acrediten.

10.3. Ante a imposibilidade, debidamente xustificada, de presenta-los documentos expresados nas bases anteriores, poderá acreditarse que se reúnen as condicións esixidas na convocatoria mediante calquera medio de proba admisible en dereito.

10.4. Os que, dentro do prazo fixado e salvo os casos de forza maior, non presenten a documentación ou se do exame dela se deducise que carecen dalgún dos requisitos xerais establecidos na base común 2, non poderán ser nomeados funcionarios en prácticas nin funcionarios de carreira, e quedarán anuladas as súas actuacións, sen prexuízo da responsabilidade na que incorresen por falsidade na solicitude inicial.

Base común 11. Nomeamento de funcionarios en prácticas.

11.1. Aspirantes en expectativa de ingreso.

Quen supere o proceso selectivo e non poida ser nomeado funcionario en prácticas por non existiren prazas vacantes, terá a consideración de aspirante en expectativa de ingreso ata que aquelas se produzan.

Os aspirantes que, obtendo a puntuación mínima esixida para supera-lo proceso selectivo, non se encontren incluídos nas propostas dos tribunais como aprobados dentro do número de prazas ofertadas na convocatoria, non serán considerados en expectativa de ingreso nin poderán alegar ningún dereito.

11.2. Destino provisional e nomeamento de funcionarios en prácticas.

Os aspirantes que superen o procedemento selectivo quedan obrigados a incorporarse ós destinos que a Dirección Xeral de Persoal lles adxudique para a realización da fase de prácticas. No caso de non incorporarse ós citados destinos no prazo que se estableza, entenderase que renuncian ó proceso selectivo.

Se se incorporan e reúnen as condicións requiridas para o ingreso no corpo respectivo, serán nomeados funcionarios en prácticas.

A toma de posesión como funcionario en prácticas será con efectividade da data que se determine para o comezo do curso.

Coa finalidade da adxudicación de destino de carácter provisional para a realización do período de prácticas, os aspirantes que superen o procedemento selectivo deberán efectua-la solicitude, conforme o sistema previamente publicado no Diario Oficial de Galicia por resolución da Dirección Xeral de Persoal, no prazo de cinco días naturais contados desde o día seguinte ó da publicación da lista de aprobados á que se fai referencia no punto 9.3 desta convocatoria.

11.3. Destino definitivo.

Os aspirantes que superen o proceso selectivo deberán obte-lo seu primeiro destino definitivo nun dos centros directamente xestionados pola Consellería de Educación e Ordenación Universitaria, estando obrigados para estes efectos a participar nos sucesivos concursos ordinarios de traslados que se convoquen, na forma que determinen as correspondentes convocatorias.

11.4. Opción dos aspirantes que superaron o proceso selectivo e están exentos da fase de prácticas.

Os aspirantes seleccionados que estean exentos da realización da fase de prácticas ó teren accedido por algún dos procedementos ós que se alude nos puntos 2.4 e 2.5 desta convocatoria, e aqueles que acrediten ter prestado servicios, polo menos, durante un curso escolar, como funcionarios de carreira poderán, non obstante, optar por seren nomeados funcionarios en prácticas incorporándose ó destino obtido; estarán exentos da súa avaliación e permanecerán nesta situación ata o seu nomeamento como funcionarios de carreira. Os aspirantes ós que se

refire este parágrafo, que non opten por ser nomeados funcionarios en prácticas, permanecerán nos seus corpos de orixe ata que sexan nomeados funcionarios de carreira xunto co resto dos seleccionados da súa promoción.

11.5. No obstante o disposto no punto anterior, os funcionarios do corpo de mestres que superen o proceso selectivo pola reserva establecida no punto 2.4 desta convocatoria na mesma especialidade pola que estean destinados definitivamente nun IES ou CPI, poderán optar por permanecer na praza que ocupan con carácter definitivo, unha vez que sexan nomeados funcionarios de carreira do corpo de profesores de ensino secundario.

O establecido no punto anterior será de aplicación ós funcionarios do corpo de profesores técnicos de formación profesional que se encontran ocupando definitivamente unha praza dunha especialidade correspondente ó corpo de profesores de ensino secundario, se acceden á dita especialidade pola reserva establecida no punto 2.4 desta convocatoria.

11.6. Réxime xurídico-administrativo dos aspirantes nomeados funcionarios en prácticas.

Desde o nomeamento de funcionarios en prácticas ata o nomeamento como funcionarios de carreira, o réxime xurídico-administrativo dos opositores será o de funcionario en prácticas, sempre que estean desempeñando un posto docente. En todo caso, a súa incorporación á realización das prácticas producirase con ocasión de vacante.

11.7. Aprazamento da fase de prácticas.

A Dirección Xeral de Persoal poderá, por causa xustificada e por petición do interesado, concede-lo aprazamento da fase de prácticas.

11.8. Opción da remuneración dos funcionarios en prácticas.

Os aspirantes que superaron a fase do proceso selectivo e que xa estean prestando servicios remunerados na Administración como funcionarios de carreira, interinos, contratados administrativos ou como persoal laboral, sen prexuízo da situación administrativa ou laboral que de acordo coa normativa vixente lles corresponda, deberán formular opción pola percepción das remuneracións durante a súa condición de funcionarios en prácticas, de conformidade co previsto no Real decreto 456/1986, do 10 de febreiro (BOE do 6 de marzo).

Base común 12. Fase de prácticas.

12.1. Obxecto e duración da fase de prácticas.

As prácticas terán por obxecto a valoración das aptitudes didácticas dos aspirantes que aprobaron a fase de oposición.

Realizaranse nos destinos provisionais que lles correspondan co desempeño de función docente con plena validez académica.

A súa duración será de seis meses.

12.2. Características da fase de prácticas.

Cada profesor en prácticas realizará unha programación, por unidades didácticas dun curso, da dis

ciplina obxecto da súa oposición. De non impartir clases desa disciplina, realizará a programación daquela na que imparte maior número de horas, indicando brevemente obxectivos, contidos básicos, exercicios prácticos, metodoloxía e avaliación.

Esta programación debe ser acorde coa programación xeral realizada polo seminario ou departamento da disciplina. O profesor en prácticas solicitará do xefe de departamento respectivo orientación e información para a súa realización.

A programación presentada levará o visto e prace do xefe de departamento.

A dita programación, xunto cunha breve memoria razoada da súa actividade docente (clases, seminarios, avaliacións, titorías, etc.), deberá ser remitida á Dirección Xeral de Persoal da Consellería de Educación e Ordenación Universitaria-San Caetano, Santiago de Compostela, no prazo dos vinte días seguintes ó do remate da fase de prácticas, e dirixidas o director xeral de Persoal.

O profesor cumprirá a programación ó longo do curso, coas modificacións que considere máis oportunas, para o aproveitamento dos seus alumnos, ou as que o seu xefe de departamento ou inspector correspondente lle indique.

12.3. As prácticas cualificaranse como apto ou non apto. Con esta finalidade designaranse comisións cualificadoras.

12.4. Os aspirantes cualificados de non aptos na fase de prácticas perderán tódolos dereitos ó seu nomeamento como funcionarios de carreira.

Base común 13. Nomeamento de funcionarios de carreira.

Rematada a fase de prácticas, a Consellería de Educación e Ordenación Universitaria aprobará o expediente do proceso selectivo e elevará a correspondente proposta de nomeamento como funcionarios de carreira dos corpos correspondentes ó Ministerio de Educación e Cultura.

TÍTULO II

Procedemento de adquisición de especialidades

Convócase procedemento para que os funcionarios de carreira do corpo de profesores de ensino secundario e profesores técnicos de formación profesional poidan adquirir nova especialidade, de conformidade co establecido nas seguintes bases:

Base común 14. Normas xerais.

As especialidades que poderán adquirirse nos corpos citados anteriormente, mediante o procedemento regulado neste título, serán as mesmas que as convocadas para o procedemento de ingreso libre.

A estes procedementos seranlles de aplicación as disposicións establecidas no punto 1.2. desta orde, así como as restantes bases do título I que non se opoñan ó disposto neste título.

Base común 15. Requisitos dos candidatos.

Para poderen participar neste procedemento, os candidatos deberán reuni-los seguintes requisitos:

a) Ser funcionario de carreira do corpo correspondente, con destino no ámbito de xestión da Consellería de Educación e Ordenación Universitaria.

b) Reuni-los requisitos que se esixen para o ingreso libre na especialidade que se pretenda adquirir.

Base común 16. Solicitudes e pagamento dos dereitos.

As solicitudes e pagamento dos dereitos formularanse conforme o establecido na base común 3 desta convocatoria.

Base común 17. Órganos de selección.

Os órganos de selección para este procedemento serán aqueles ós que se refire a base 5 desta convocatoria e exercerán respecto deste procedemento as mesmas funcións que se enumeran na mencionada base.

Base común 18. Comezo e desenvolvemento das probas.

O comezo e desenvolvemento das probas realizarase de conformidade co disposto na base 6 desta convocatoria.

Base común 19. Sistema de selección.

19.1. A proba terá por obxecto valorar tanto os coñecementos sobre a materia coma os recursos didácticos e pedagóxicos dos candidatos. Esta proba dividirase en dúas partes:

Primeira parte: de contido de carácter práctico e que se axustará, para cada especialidade, ó disposto no anexo VII desta orde. O tempo asignado para a realización desta proba será establecido polos tribunais.

Segunda parte: consistirá na exposición, á que seguirá un debate, ambos orais, dun tema da especialidade á que se opte, elixido polo opositor entre seis, extraídos por sorteo, de entre os que compoñen a parte A do temario da súa especialidade. No caso do corpo de profesores de música e artes escénicas, o tema será elixido entre os que compoñen a segunda sección da parte A do temario.

A exposición terá dúas partes. A primeira delas versará sobre os aspectos científicos do tema. Na segunda, o aspirante deberá facer referencia á relación do tema co currículo establecido pola Consellería de Educación e Ordenación Universitaria, así como o seu tratamento didáctico.

O tratamento didáctico consistirá na programación didáctica do tema elixido, ou dunha unidade didáctica extraída del, indicando, en calquera caso, os obxectivos, contidos, actividades de ensino e aprendizaxe e de avaliación, así como os recursos necesarios para o seu desenvolvemento.

Con esta finalidade, o aspirante poderá elixi-lo curso da educación secundaria obrigatoria, do bacharelato ou da formación profesional específica sobre o que realizará ese suposto didáctico.

O candidato disporá de dúas horas para a súa preparación e poderá utiliza-lo material que considere oportuno. A exposición e a proposta didáctica terá unha duración máxima dunha hora. A duración máxima do debate será de quince minutos.

19.2. Os tribunais cualificarán a proba á que se refire o punto anterior de apto ou non apto e obterán a nova especialidade unicamente os cualificados con apto.

19.3. Unha vez verificado polo órgano convocante que os aspirantes que obtiveron a cualificación de apto reúnen os requisitos esixidos na base 15 desta convocatoria, a Consellería de Educación e Ordenación Universitaria publicará no Diario Oficial de Galicia a orde pola que se declaran aptos os aspirantes, coa indicación da nova especialidade adquirida.

19.4. Os que adquiran unha nova especialidade por este procedemento estarán exentos da fase de prácticas.

19.5. A adquisición dunha nova especialidade non supón a perda da anterior ou anteriores que se pui

desen posuír. Os que teñan adquirida máis dunha especialidade poderán acceder a prazas correspondentes a calquera delas a través dos mecanismos establecidos para a provisión de postos de traballo dos funcionarios docentes, de conformidade co disposto no artigo 41 do Real decreto 1701/1991, do 29 de novembro, polo que se establecen as especialidades do corpo de profesores de ensino secundario; adscríbense a elas os profesores correspondentes ó dito corpo e determínanse as áreas e materias que deberá imparti-lo profesorado respectivo. Os que adquiran unha nova especialidade por este procedemento terán preferencia, por unha soa vez, con ocasión de vacante, para seren adscritos a prazas da nova especialidade adquirida no centro no que tivesen destino definitivo, de conformidade co establecido no artigo 4 do Real decreto 1701/1991, do 29 de novembro, segundo a redacción dada pola disposición adicional cuarta do Real decreto 1635/1995, do 6 de outubro.

Santiago de Compostela, 12 de marzo de 2002.

Celso Currás Fernández

Conselleiro de Educación e Ordenación Universitaria

ANEXO I

BAREMO PARA A VALORACIÓN DE MÉRITOS: SISTEMA XERAL DE ACCESO

Méritos	Puntos	Documentos xustificativos

I. Formación académica (máximo 4 puntos):
1.1. Expediente académico no título alegado; valorarase exclusivamente a nota media do expediente académico do título esixido con carácter xeral e alegado para ingreso no corpo do modo que a continuación se indica:		Certificación académica persoal orixinal ou fotocopia cotexada, na que consten as puntuacións obtidas en tódalas disciplinas e cursos esixidos para a obtención do título alegado.
Desde 6,01 e ata 7,50	1,0000
Desde 7,51 e ata 10	1,5000
1.2. Doutoramento e premios extraordinarios:
1.2.1. Por posuí-lo título de doutor na titulación alegada para ingreso no corpo	2,0000	Certificación académica ou fotocopia cotexada do título de doutor ou, se é o caso, do aboamento dos dereitos de expedición, conforme a Orde do 8 de xullo de 1988 (BOE do 13).
1.2.2. Por ter obtido premio extraordinario no doutoramento	0,5000	Documento xustificativo.
1.2.3. Por ter obtido premio extraordinario na titulación alegada para ingreso no corpo	0,5000	Documento xustificativo.
1.3. Outras titulacións de carácter oficial:
1.3.1. Titulacións de primeiro ciclo, por cada diplomatura, enxeñería técnica, arquitectura técnica ou títulos declarados legalmente equivalentes e polos estudios correspondentes ó primeiro ciclo dunha licenciatura, arquitectura ou enxeñería	1,0000	Certificación académica ou fotocopia cotexada do título alegado para o ingreso no corpo, así como de cantos presente como mérito ou, se é o caso, certificación do aboamento dos dereitos de expedición conforme a Orde do 8 de xullo de 1988 (BOE do 13). No caso de estudios correspondentes ó primeiro ciclo, certificación académica na que se acredite a súa superación.
1.3.2. Titulacións de segundo ciclo, polos estudios correspondentes ó segundo ciclo de licenciaturas, enxeñerías, arquitecturas ou títulos declarados legalmente equivalentes	1,0000	Certificación académica ou fotocopia cotexada do título alegado para ingreso no corpo, así como de cantos presente como mérito ou, se é o caso, certificación do aboamento dos dereitos de expedición conforme a Orde do 8 de xullo de 1988 (BOE do 13).
1.3.3. Por titulacións de ensino réxime especial:
As titulacións das ensinanzas de réxime especial outorgadas polas escolas oficiais de idiomas e conservatorios profesionais e superiores de música, a) Música e danza, grao medio b) Ensino de idiomas,	0,5000	Certificación académica ou fotocopia cotexada do título alegado para ingreso no corpo, así como de cantos presente como mérito ou, se é o caso, certificación do aboamento dos dereitos de expedición conforme a Orde do 8 de xullo de 1988 (BOE do 13).
b.1. Ciclo elemental	0,5000
b.2. Ciclo superior	0,5000
II. Experiencia docente (máximo 3 puntos) 2.1. Por cada ano de experiencia docente no mesmo nivel educativo e especialidade á que opta o aspirante, en centros públicos	0,4000	Certificación do secretario do centro co visto e prace do director, na que debe consta-la data de toma de posesión e cesamento na especialidade, así como os documentos xustificativos do nomeamento ou fotocopia compulsada deles na que conste data de toma de posesión e cesamento e a especialidade.
2.2. Por cada ano de experiencia docente no mesmo nivel educativo e especialidade á que opta o aspirante, noutros centros	0,2000	Certificación do director do centro co visto e prace do Servicio de Inspección Técnica, na que conste data de toma de posesión e cesamento e a especialidade.
2.3. Por cada ano de experiencia docente en distinto nivel educativo ou diferente especialidade á que opta o aspirante, en centros públicos	0,2000	Certificación do secretario do centro co visto e prace do director, no que debe consta-la data de toma de posesión e cesamento e a especialidade así como os documentos xustificativos do nomeamento ou fotocopia compulsada deles, na que conste data de toma de posesión e do cesamento e a especialidade.
2.4. Por cada ano de experiencia docente en distinto nivel educativo ou diferente especialidade á que opta o aspirante, noutros centros	0,1000	Certificación do director do centro co visto e prace do Servicio de Inspección Técnica, na que conste data de toma de posesión e cesamento e a especialidade.
* Teranse en conta un máximo de dez anos, cada un dos cales deberá ser valorado nun só dos puntos anteriores.

Méritos	Puntos	Documentos xustificativos

III. Outros méritos (máximo tres puntos)
3.1. Por cursos superados, relacionados co ensino, organizados polas administracións educativas que se atopen no pleno exercicio das súas competencias en materia educativa, por institucións sen ánimo de lucro que fosen homologados ou recoñecidos polas anteditas administracións, así como os organizados polas universidades: -Puntuarase 0,10 puntos por cada 10 horas de curso. Para estes efectos sumaranse as horas de tódolos cursos, non puntuándose o resto do número de horas inferiores a 10	ata 2,5000	Certificado deles nos que conste de modo expreso o número de horas de duración do curso. No caso dos organizados polas institucións sen ánimo de lucro, deberá acreditarse de forma que faga fe o recoñecemento ou homologación.
3.2. Por outras actividades de formación ou perfeccionamento	ata 0,5000	Certificado deles.

Notas:

Primeira.-Unicamente serán baremados aqueles méritos perfeccionados ata a data de finalización do prazo de presentación de solicitudes.

Segunda.-Para os efectos do punto dous non se poderán acumula-las puntuacións cando os servicios fosen prestados simultaneamente en máis dun centro docente.

Os servicios prestados no estranxeiro acreditaranse mediante certificados expedidos polos ministerios de Educación dos respectivos países, no que deberán consta-lo tempo de prestación de servicios e o carácter de centro público ou privado, o nivel educativo e a materia impartida. Cando non se acredite a materia impartida ou esta non coincida con algunha das especialidades obxecto desta convocatoria, os servicios entenderanse prestados en distinta especialidade á que se opta, segundo corresponda. Os ditos certificados deberán presentarse traducidos ó castelán.

Terceira.-Nos seguintes epígrafes, por cada mes súmanse as seguintes puntuacións: no epígrafe 2.1, 0,033 puntos; no epígrafe 2.2, 0,016 puntos; no epígrafe 2.3, 0,016 puntos; no epígrafe 2.4, 0,008 puntos.

Cuarta.-Para a obtención da nota media do expediente académico nos casos en que non figure a expresión numérica completa aplicaranse as seguintes equivalencias:

-Aprobado: cinco puntos.-Notable: sete puntos.-Sobresaliente: nove puntos.-Matrícula de honra: dez puntos.

Aquelas cualificacións que conteñan a expresión literal ben considerarase equivalente a seis puntos. Non se terán en conta as validadas ou apto.

En ningún caso se tomarán en consideración na nota media as cualificacións correspondentes a proxectos fin de carreira, teses de licenciatura ou análogas.

No caso de que non se remita a certificación académica persoal e, no seu defecto, se presente fotocopia compulsada do título ou da certificación do aboamento dos dereitos de expedición, conforme a Orde do 8 de xullo de 1988 (BOE do 13), considerarase que o aspirante obtivo a nota media de aprobado.

Quinta.-En ningún caso serán valorados polo punto 3.1 aqueles cursos que teñan como finalidade a obtención dun título académico.

Sexta.-Non se valorará o curso de aptitude pedagóxica.

Sétima.-De conformidade co artigo 6 da Orde do 11 de novembro de 1998, as equivalencias entre distintos cursos e probas de lingua galega terán a mesma consideración legal que os cursos presenciais de iniciación e perfeccionamento.

ANEXO II

BAREMO PARA A VALORACIÓN DE MÉRITOS PARA O ACCESO ÓS CORPOS DO GRUPO A DESDE CORPOS DO GRUPO B

Méritos	Puntos	Documentos xustificativos

I. Traballo desenvolvido:
1.1. Por cada ano como funcionario de carreira do corpo desde o que se aspira ó acceso que exceda dos oito esixidos como requisito	0,500	Folla de servicios certificada pola delegación provincial.
* Por este subepígrafe (1.1.) non poderán obter máis de 4,000 puntos.
1.2.
a) Por cada ano de exercicio na función inspectora	0,300	Fotocopia compulsada do nomeamento, con expresión da duración real do cargo.
b) Por cada ano de exercicio como director dun centro público	0,300	Fotocopia compulsada do nomeamento, con expresión da duración real do cargo.
c) Por cada ano de exercicio como vicedirector, xefe de estudios, secretario, administrador ou profesor delegado nas seccións de formación profesional e outros cargos directivos	0,200	Fotocopia compulsada do nomeamento, con expresión da duración real do cargo.
d) Por cada ano de servicios como cargo directivo na Consellería de Educación e Ordenación Universitaria, Ministerio de Educación e Cultura ou departamentos de Educación das restantes comunidades autónomas, con competencias en materia educativa, con categoría de xefe de servicio ou nivel equivalente ou superior	0,300	Fotocopia compulsada do nomeamento, con expresión da duración real do cargo.
e) Por cada ano de titor	0,200	Certificación do director do centro.
f) Por cada ano como coordinador pedagóxico, coordinador de ciclo/departamento, xefe de departamento, xefe de división, xefe de departamento de normalización	0,200	Certificación do director do centro co visto e prace da Inspección Educativa.
* Por este subepígrafe (1.2.) non se poderá obter máis de 1,500 puntos
II. Cursos de formación e perfeccionamento superados:
2.1. Por cada curso de formación e perfeccionamento, convocados polas administracións educativas ou universidades cunha duración non inferior a 30 horas	0,300 ata 1	Fotocopia compulsada do certificado de asistencia. De non figura-lo número de horas, deberá xuntarse certificado da autoridade convocante no que se faga consta-la duración en horas.
2.2. Por cada curso de formación e perfeccionamento, convocados polas administracións educativas ou universidades cunha duración non inferior a 100 horas	0,600 ata 1,500	Fotocopia compulsada do certificado de asistencia. De non figura-lo número de horas, deberá xuntarse certificado da autoridade convocante no que se faga consta-la duración en horas.
III. Outros méritos:
3.1. Méritos académicos:
a) Polo grao de doutor na titulación requirida para ingreso no corpo	0,750	Certificación académica, ou fotocopia compulsada do título de doutor.
b) Por premio extraordinario ou de honra na titulación alegada para ingreso no corpo	0,500	Certificación académica, ou fotocopia compulsada do título alegado na que conste tal cualificación.
c) Por título de licenciado distinto do alegado para ingreso no corpo	0,500	Certificación académica ou fotocopia compulsada do título correspondente.
d) Por outro título de grao medio	0,300	Certificación académica ou fotocopia compulsada do título correspondente.
* Por este subepígrafe non se poderá obter máis de 1,000 punto
3.2. Publicacións e méritos artísticos:
a) Por publicacións de carácter didáctico sobre a disciplina obxecto do concurso, ou directamente relacionadas coa organización escolar	ata 0,500	Os exemplares correspondentes.
b) Por publicacións de carácter científico sobre a disciplina obxecto do concurso	ata 0,500	Os exemplares correspondentes.
c) Por premios en exposicións ou concursos de ámbito galego, nacional ou internacional	ata 0,250	Documentos xustificativos destes.
* Por este subepígrafe non se poderán obter máis de 0,500 puntos

Méritos	Puntos	Documentos xustificativos

3.3. Participación en actividades:
Pola participación en cada actividade de reforma, experimentación, investigación, innovación e seminarios permanentes	0,200	Documentos xustificativos da participación nas actividades.
* Por este subepígrafe non se poderán obter máis de 0,500 puntos

ANEXO III

BAREMO PARA A VALORACIÓN DE MÉRITOS PARA O ACCESO A OUTROS CORPOS DO MESMO GRUPO E NIVEL

DE COMPLEMENTO DE DESTINO

Méritos	Puntos	Documentos xustificativos

I. Experiencia docente previa:
Ata un máximo de 4 puntos.
1.1. Por cada ano de servicios efectivos prestados como funcionario de carreira do corpo desde o que aspira ó acceso	0,500	Folla de servicios certificada polo secretario do centro co visto e prace do director.
1.2. Por cada ano de servicios efectivos prestados como funcionario de carreira doutros corpos docentes	0,250	Folla de servicios certificada polo secretario do centro co visto e prace do director.
II. Traballo desenvolvido:
Ata un máximo de 4 puntos.
2.1. Por ter adquirida a condición de catedrático	1,000	Fotocopia cotexada do documento acreditativo.
2.2. Por cada ano de servicios efectivos prestados como catedrático	0,250	Fotocopia cotexada do documento acreditativo.
* Por este subepígrafe en ningún caso se poderá obter máis de 1 punto.
2.3. Desempeño de cargos directivos e postos nos consellos escolares do centro:
a) Por cada ano como director en centros de EXB, bacharelato unificado e polivalente, formación profesional ou centros de profesores, profesor delegado en sección de formación profesional ou xefe de estudios en extensións de bacharelato	0,500	Fotocopia cotexada do documento xustificativo do nomeamento con expresión da duración real do cargo.
b) Por cada ano como xefe de estudios ou secretario en centros de EXB, bacharelato unificado polivalente ou formación profesional	0,300	Fotocopia cotexada do documento xustificativo do nomeamento con expresión da duración real do cargo.
c) Por cada ano como vicedirector ou vicesecretario nalgún dos centros ós que se refire a letra anterior	0,200	Fotocopia cotexada do documento xustificativo do nomeamento con expresión da duración real do cargo.
III. Outros méritos: Ata un máximo de 2 puntos.
3.1. Méritos académicos:
Máximo 1 punto
3.1.1. Por cada título distinto do requirido e alegado para ingreso no corpo e de nivel superior a este	0,200	Certificación académica ou fotocopia compulsada do título requirido para ingreso no corpo, así como cantos alegue como mérito.
3.1.2. Por cada título do mesmo nivel do requirido e alegado para ingreso no corpo	0,100	Certificación académica ou fotocopia compulsada do título requirido para ingreso no corpo, así como cantos alegue como mérito.
3.1.3. Polo grao de doutor na titulación alegada para ingreso no corpo	0,300	Certificación académica ou fotocopia compulsada do título de doutor.
3.2. Publicacións, méritos artísticos e proxectos e innovacións técnicas:
Ata un máximo de 0,500 puntos.
3.2.1. Por publicacións relacionadas coa especialidade ou coa didáctica xeral.	Os exemplares correspondentes.
3.2.2. Por premios en exposicións ou concursos de ámbito nacional ou internacional.	Documentos acreditativos de atoparse en posesión deles.
3.3. Pola participación en actividades da reforma e experimentación, investigación e desenvolvemento de experiencias pedagóxicas en centros educativos: Ata un máximo 0,500 puntos.	Certificación da dirección xeral correspondente.

ANEXO IV

TEMARIOS DAS ESPECIALIDADES

Corpo de profesores de ensino secundario

(Parte A e parte B)

Código	Especialidades	Temarios

005	Xeografía e historia	BOE do 21-9-1993
006	Matemáticas
010	Francés
016	Música
018	Psicoloxía e pedagoxía
019	Tecnoloxía
105	Formación e orientación laboral	BOE do 13-2-1996
106	Hostalería e turismo
107	Informática
113	Organización e proxectos de sistemas enerxéticos
115	Procesos de producción agraria
116	Procesos na industria alimentaria

Código	Especialidades	Temarios

117	Procesos diagnóstico clínico e procedementos ortoprotésicos
124	Sistemas electrónicos
125	Sistemas electrotécnicos e automáticos

Corpo de profesores técnicos de formación profesional

(Parte A e parte B)

Código	Especialidades	Temarios

201	Cociña e pastelería	BOE do 13-2-1996
204	Fabricación e instalación de carpintería e moble
205	Instalacións e mantemento de equipos térmicos e fluídos
209	Mantemento de vehículos
227	Sistemas e aplicacións informáticas

ANEXO V

Don/Dona, con domicilio

en e con DNI,

declara baixo xuramento/promete, para os efectos de ser nomeado/a funcionario/a do corpo de profesores de ensino secundario e profesores técnicos de formación profesional, que non foi separado/a do servicio de ningunha das administracións públicas e que non está inhabilitado/a para o exercicio de funcións públicas.

..., ... de ... de 2002.

Asdo.:

ANEXO VI

Don/Dona, con DNI,

domiciliado/a para efectos de notificación en:

Localidade, provincia,

rúa, nº, teléfono

EXPÓN:

Que tendo solicitado ser admitido/a ó proceso selectivo para ingreso no corpo de:

p Profesores de ensino secundario.

p Profesores técnicos de formación profesional.

Pola especialidade de, alega,

para o obxecto de que lle sexan valorados, na fase de concurso, os méritos que relaciona e xustifica documentalmente:

Méritos alegados:

Epígrafe 1 do baremoDocumentos xustificativos

1.1.

1.2.1.3.

Epígrafe 2 do baremoDocumentos xustificativos

2.1.

2.2.

2.3.

2.4.

Epígrafe 3 do baremoDocumentos xustificativos

3.1.

3.2.

ANEXO VII

Profesores de ensino secundario

* Xeografía e historia.

Consistirá na realización dos seguintes exercicios:

-Confección e interpretación de mapas históricos.

-Comentario de textos históricos.

-Elaboración e comentario de gráficos e diagramas.

-Comentario de obras de arte.

* Matemáticas.

Consistirá na resolución de:

Cuestións e/ou problemas propostos polo tribunal relacionados co temario e o currículo que se vai impartir nas etapas de ensino secundario obrigatorio e bacharelato.

* Francés.

Consistirá na realización de:

-Traducción directa.

-Traducción inversa.

-Redacción na lingua estranxeira sobre un tema de actualidade.

* Música.

Consistirá na realización de:

-Análise melódica, harmónica, rítmica e estilística de obras de diferentes períodos da historia da música.

-Interpretación á primeira vista, co instrumento que achegará o opositor, dunha partitura ou fragmento elixido por el, entre tres propostas polo tribunal.

-Interpretación e análise musical e literaria dunha canción popular e a súa aplicación didáctica.

* Psicoloxía e pedagoxía.

A proba práctica versará sobre algúns dos seguintes aspectos:

-Deseño dun plan de orientación, instrumentos e técnicas.

-Redacción dun programa de prevención ou intervención ou tratamento de problemas de personalidade.

-Confección dun modelo de análise dun proxecto curricular de centro.

-Maqueta dun plan de acción titorial.

-Deseño dun modelo de intervención psicopedagóxica.

-Adaptacións escolares e sobredotación intelectual.

* Tecnoloxía.

A proba práctica consistirá na resolución de cuestión e problemas (numéricos, gráficos...) relacionados co temario da oposición e/ou co currículo da ESO e do bacharelato, podendo incluí-la proposta do deseño e/ou realización práctica dun proxecto dirixido a alumnos da etapa da ESO ou do bacharelato.

* Formación e orientación laboral.

A proba práctica consistirá na resolución de supostos e/ou cuestións e de problemas de cálculo numérico, relacionados co temario da oposición e os currículos que se van impartir nos ciclos formativos de formación profesional específica.

* Hostalería e turismo.

Consistirá na realización dun suposto que terá por obxecto as resolucións de carácter práctico, relacionadas co currículo que pode impartir este profesor de secundaria. Tamén poderá consistir na resolución

de cuestións e supostos relacionados co temario de oposición e dos procedemntos que se desprenden das técnicas de organización, xestión e comercialización de restauración, aloxamentos, axencias de viaxes, información e comercialización turísticas, ofertas gastronómicas e sistemas de aprovisionamento, administración, xestión e comercialización na pequena empresa.

* Informática.

A proba consistirá na resolución de supostos e/ou cuestións e problemas relacionados co temario de oposición e co currículo dos distintos módulos que forman os ciclos formativos da familia profesional.

A duración do exercicio práctico será a que determinen os membros do tribunal, que dictarán as normas necesarias para o seu correcto desenvolvemento.

* Organización e proxectos de sistemas enerxéticos.

A proba práctica consistirá na resolución de cuestións e problemas e na realización, mediante linguaxes de programación, de exercicios relacionados co temario da oposición e co currículo dos ciclos formativos de grao medio e superior, dos módulos asignados ós profesores de organización e proxectos de sistemas enerxéticos, debendo incluí-la proposta de deseño e realización práctica dun proxecto dirixido a alumnos destes módulos.

* Procesos de producción agraria.

A proba práctica consistirá na resolución dun ou varios supostos prácticos (cuestións, problemas, etc.) de entre os propostos polo tribunal, relacionados co temario da oposición, recollido no anexo I da Orde do 1 de febreiro de 1996 (BOE do 13 de febreiro), ou co currículo dos módulos profesionais dos ciclos de formación profesional específica atribuídos ós profesores desta especialidade na seguinte normativa: Real decreto 1711/1996, do 12 de xullo (BOE do 13 de setembro); Real decreto 1712/1996, do 12 de xullo (BOE do 19 de setembro); Real decreto 1713/1996, do 12 de xullo (BOE do 11 de setembro); Real decreto 1714/1996, do 12 de xullo (BOE do 13 de setembro); Real decreto 1715/1996, do 12 de xullo (BOE do 12 de setembro), Real decreto 1716/1996, do 12 de xullo (BOE do 13 de setembro) e Real decreto 1717/1996, do 12 de xullo (BOE do 20 de setembro).

A proba poderá incluír supostos prácticos reais ou de simulación de procesos, así como a elaboración de deseños e de obxectivos relacionados co currículo dos módulos profesionais citados no punto anterior.

* Procesos na industria alimentaria.

A proba práctica consistirá na resolución de supostos fundamentados no recollido no temario e para iso os opositores deberán levar material de escritura, calculadora e regra graduada.

* Procesos de diagnósticos clínicos e productos ortoprotésicos.

A proba consistirá na resolución dun ou varios supostos prácticos (cuestións, problemas, etc.) de

entre os propostos polo tribunal, relacionados co temario da oposición e co currículo dos módulos profesionais de ciclos formativos de formación profesional específica, dos que a impartición docente se atribúe ó profesorado desta especialidade.

* Sistemas electrónicos.

A proba práctica consistirá na resolución de cuestións e problemas e na realización, mediante linguaxes de programación, de exercicios relacionados co temario da oposición e co currículo do ciclo formativo de grao medio de equipos electrónicos de consumo e dos ciclos de grao superior, desenvolvemento de productos electrónicos e sistemas de telecomunicación e informáticos, dos módulos asignados ós profesores de sistemas electrónicos; debe incluí-la proposta de deseño e realización práctica dun proxecto dirixido a alumnos deste módulos.

* Sistemas electrotécnicos e automáticos.

Consistirá na resolución dun ou varios supostos de entre os propostos polo tribunal. Os supostos poderán basearse en cuestións, resolucións de problemas, exercicios, deseños e esquemas relativos á parte A do temario de oposición e ó currículo dos módulos correspondentes ós ciclos formativos propios da súa especialidade.

Profesores técnicos de formación profesional

* Cociña e pastelería.

A proba práctica consistirá na realización de elaboracións culinarias e/ou de pastelería-panadería, nas que estean implicadas diversas técnicas relacionadas cos procedementos indicados nos currículos dos ciclos formativos técnico en cociña e técnico en pastelería e panadería. Poderá consistir tamén na realización de elaboracións e procedementos que se desprendan do temario de oposición e/ou do currículo que pode impartir este profesor técnico.

* Fabricación e instalación de carpintería e moble.

A proba práctica consistirá na resolución dun ou varios supostos prácticos (cuestións, deseño e fabricación de pezas ou mobles, etc.) de entre os propostos polo tribunal e relacionados co temario de oposicións e co currículo dos módulos profesionais atribuídos ós profesores desta especialidade no anexo IV.b do Real decreto 1635/1995, do 6 de outubro (BOE do 10 de outubro). A proba poderá incluír procesos de fabricación ou programas de CNC dunha ou varias pezas propostas polo tribunal e/ou a realización práctica ou simulada, mediante ordenador, dunha ou varias destas pezas.

* Instalacións e mantementos de equipos térmicos e fluídos.

A proba práctica consistirá na resolución dun ou varios supostos prácticos de entre os propostos polo tribunal, relacionados co temario da oposición e co currículo dos módulos profesionais de ciclos formativos de grao medio e superior atribuídos ós profesores desta especialidade.

* Mantemento de vehículos.

A proba práctica consistirá na resolución dun ou varios supostos prácticos (cuestións, problemas, etc.) de entre os propostos polo tribunal e relacionados co temario da oposición e co currículo dos módulos profesionais atribuídos ós profesores desta especialidade no anexo IV.b) do Real decreto 1635/1995, do 6 de outubro (BOE do 10 de outubro). A proba deberá incluí-la realización de prácticas sobre vehículo ou partes del que requiran a utilización de documentación técnica e/ou de equipos de diagnóstico ou reparación.

* Sistemas e aplicacións informáticas.

A proba práctica consistirá na resolución dun ou varios supostos prácticos de entre os propostos polo tribunal, relacionados co temario da oposición e co currículo dos modelos profesionais dos ciclos formativos de grao superior atribuídos ós profesores desta especialidade.

A proba poderá incluí-la realización de prácticas sobre ordenador ou partes das que requira a utilización de documentación técnica.

ANEXO VIII

LINGUA GALEGA

Tema 1. Formación da lingua galega. Niveis de lingua e tratamento escolar.

Tema 2. A realidade actual da lingua: estatus legal e escolar. A normalización lingüística no ensino.

Tema 3. Particularidades fonéticas, morfosintácticas e léxicas do galego en relación coas linguas limítrofes. Tratamento escolar das interferencias.

Tema 4. Vocalismo e consonantismo.

Tema 5. O texto. Temas e subtemas. Esquema oracional. Oración simple e composta. Coordinación e subordinación.

Tema 6. O substantivo e o adxectivo. Oracións subordinadas substantivas. Oracións subordinadas adxectivas.

Tema 7. Pronomes persoais. Formas, funcións e colocación con respecto ó verbo.

Tema 8. Artigos, posesivos, demostrativos, numerais, indefinidos e interrogativos.

Tema 9. O verbo. Verbos irregulares. A perífrase.

Tema 10. Adverbios, preposicións, conxuncións e interxeccións. As oracións subordinadas adverbiais.

ANEXO IX

TITULACIÓNS DECLARADAS EQUIVALENTES

Especialidade	Titulación declarada equivalente para efectos de docencia (1)

Música	-Título de profesor superior, expedido ó abeiro do Decreto 2618/1966, do 10 de setembro.-Título de profesor e título profesional, expedido ó abeiro do Decreto do 15 de xuño de 1942.-Diploma de capacidade correspondente a plans de estudios anteriores.

Especialidade	Titulación declarada equivalente para efectos de docencia (1)

Tecnoloxía	-Enxeñeiro técnico.-Arquitecto técnico.-Diplomado da mariña civil.
Formación e orientación laboral	-Diplomado en: Ciencias empresariais. Relacións laborais. Traballo social. Educación social. Xestión e administración pública
Hostalería e turismo	-Diplomado en turismo
Informática	-Diplomado en estatística-Enxeñeiro técnico en: Informática de xestión Informática de sistemas
Organización e proxectos de sistemas enerxéticos	-Enxeñeiro técnico: Industrial, en tódalas súas especialidades. Aeronáutico, en tódalas súas especialidades. Obras públicas, en tódalas súas especialidades. Telecomunicación, en tódalas súas especialidades. Naval, en tódalas súas especialidades. Agrícola, en tódalas súas especialidades. Minas, en tódalas súas especialidades.-Diplomado en máquinas navais.
Procesos de producción agraria	-Enxeñeiro técnico: Agrícola, en tódalas súas especialidades. Forestal, en tódalas súas especialidades.
Procesos na industria alimentaria	-Enxeñeiro técnico agrícola, especialidade en industrias agrarias e alimentarias.
Sistemas electrónicos	-Diplomado en radioelectrónica naval.-Enxeñeiro técnico: Aeronáutico, especialidade en aeronavegación. Informática de sistemas. Industrial, especialidade en electricidade ou en electrónica industrial Telecomunicacións, en tódalas súas especialidades.
Sistemas electrotécnicos e automáticos	-Diplomado en radioelectrónica naval.-Enxeñeiro técnico: Aeronáutico, especialidade en aeronavegación. Informática de sistemas. Industrial, especialidade en electricidade ou en electrónica industrial. Telecomunicacións, en tódalas súas especialidades.
Cociña e pastelería	-Técnico especialista en hostalería.-Técnico superior en restauración.
Fabricación e instalación de carpintería e moble	-Técnico superior en producción de madeira e moble-Técnico especialista en: Construcción industrial de madeira. Ebanistería Madeira Modelista de fundición.
Mantemento de vehículos	-Técnico superior en automoción -Técnico especialista en: Mecánica e electricidade do automóbil. Mantemento de máquinas e equipos de construcción e obras. Automoción.
Mecanizado e mantemento de máquinas	-Técnico superior en producción por mecanizado-Técnico especialista en: Montaxe e construcción de maquinaria (metal). Micromecánica de máquinas ferramentas (metal). Micromecánica de instrumentos (metal). Instrumentista en sistemas de medida (metal). Utensilios e montaxes mecánicas (metal). Mecánico de armas (metal). Fabricación mecánica (metal). Máquinas-ferramentas (metal). Matricería e moldes (metal). Control de calidade (metal). Micromecánica e reloxería (metal) Fabricación mecánica (metal) (módulo profesional de nivel 3).

(1) As titulacións indicadas corresponden ó catálogo de títulos universitarios oficiais. Tamén son equivalentes para efectos de docencia as titulacións homólogas ás especificadas, segundo o Real decreto 1954/1994, do 30 de setembro (BOE do 17 de novembro).

ANEXO X

NOTA: úsese como tal o anexo II da páxina 3.569.