Aprobados pola Comisión de Goberno os pregos de cláusulas administrativas particulares e os pregos de prescricións técnicas que rexerán a contratación, mediante concurso, dos traballos de redacción do Plan especial de protección de Lourenzá, expóñense ó público polo prazo de oito días naturais, para efectos de exame e reclamacións (que de non presentarse se entenderán definitivamente aprobados).

De conformidade co establecido no artigo 122 do Real decreto lei 781/1986, do 18 de abril, anúnciase simultaneamente a licitación nos diarios oficiais (aínda que se aprazarán no suposto de non se producir reclamacións ós pregos).

1. Entidade adxudicadora:

a) Organismo: Concello de Lourenzá.

b) Dependencia que tramita o expediente: secretaría.

2. Obxecto do contrato:

a) Obxecto: consultoría e asistencia técnica para a redacción do Plan especial de protección de Lourenzá.

b) Prazo de execución: a proposta dos licitadores, que en todo caso deberán cumpri-lo disposto na resolución da Dirección Xeral de Urbanismo polo que se concede a subvención, e que é a do 2004.

3. Tramitación, procedemento e forma de adxudicación:

a) Tramitación: urxente.

b) Procedemento: aberto.

c) Forma: concurso.

4. Orzamento de licitación: o importe total é de 7.000.000 de pesetas, IVE incluído.

5. Garantía:

a) Provisional: excluída.

b) Definitiva: 4% do importe de adxudicación.

6. Obtención de documentación e información:

a) Entidade: Concello de Lourenzá.

b) Horario: das 9 ás 14 horas de luns a venres e das 10 ás 13 horas os sábados.

c) Praza Conde Santo, s/n.

d) Localidade: 27760 Lourenzá.

e) Teléfono: 982 12 10 06; fax: 982 12 15 06.

7. Presentación de ofertas:

a) Este anuncio publicarase no BOP e no DOG.

b) Data límite: 8 días naturais contados a partir do seguinte ó da publicación de extracto de convocatoria no DOG.

c) Lugar e xeito de presentación: nas oficinas municipais de Lourenzá ou por calquera dos medios establecidos na Lei de procedemento administrativo.

As proposicións constarán de dous sobres coas letras A-B:

Sobre A: oferta económica.

Sobre B: de documentos.

8. Apertura de ofertas:

Dentro dos dez días seguintes ó do remate de presentación de ofertas e logo de convocatoria dos licitadores segundo a cláusula 10ª dos pregos.

9. Criterios de base para a adxudicación: os recollidos na cláusula 11ª dos pregos.

Lourenzá, 3 de decembro de 2001.

Vidal Martínez-Sierra López

Alcalde