Segundo o Real decreto 382/1994, do 15 de decembro, polo que se crea a sociedade Galicia Calidade, e no cumprimento da Lei 10/1996, do 5 de novembro (Diario Oficial de Galicia nº 227, do 20 de novembro), de actuación de entes e empresas nas que ten participación maioritaria a Xunta de Galicia, en materia de persoal e contratación, Galicia Calidade

acorda convocar probas selectivas para o ingreso no seu cadro de persoal laboral fixo de Galicia Calidade, S.A.

1. Obxecto:

1.1. Convócanse probas selectivas para cubrir unha (1) praza, para a sociedade Galicia Calidade, S.A., de auditor/a de sistemas de calidade.

2. Requisitos dos solicitantes:

Poderán participar no proceso de selección aqueles titulados superiores que cumpran os seguintes requisitos:

2.1. Requisitos mínimos que deberán acreditar:

-Titulación universitaria superior.

2.2. Requisitos xerais:

-Ter nacionalidade dun país membro da Unión Europea.

-Ter cumpridos os 18 anos de idade.

-Non padecer enfermidade ou defecto físico que impida o desempeño das funcións correspondentes.

-Non estar separado do servicio de ningunha Administración pública en virtude do expediente disciplinario, nin encontrarse inhabilitado por sentencia firme para o exercicio de funcións públicas.

-Posuír e acredita-la titulación académica esixida (homologada polo Ministerio de Educación, no caso de títulos expedidos por un país que non sexa membro da Unión Europea).

3. Prazo e lugar de presentación de solicitudes:

Os que desexen formar parte nestas probas selectivas deberán solicita-las bases da convocatoria na sede da sociedade Galicia Calidade, S.A, Área Central, local 33 P-Q 1ª planta, 15707 Santiago de Compostela ou no nº fax: 981 56 42 44. O exame non se realizará antes dun mes desde que se publique esta convocatoria, de acordo co disposto no artigo 4 de la Lei 10/1996.

O prazo de presentación de solicitudes será de dez (10) días naturais contados a partir do día seguinte ó da publicación desta convocatoria no Diario Oficial de Galicia.

4. Admisión de aspirantes:

Finalizado o prazo de presentación de instancias, o director xerente da sociedade Galicia Calidade publicará no taboleiro de anuncios da sociedade a lista de admitidos e excluídos ó proceso de selección.

Os aspirantes excluídos disporán dun prazo de 10 días naturais para, por petición do interesado, reparar calquera erro que sexa emendable, dirixíndose por escrito ó director xerente e na sede da sociedade.

Santiago de Compostela, 8 de marzo de 2002.

Juan Blanco Lino

Director xerente de Galicia Calidade, S.A.