Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. ó C.T.C. Sofán.

Situación: Carballo.

Descricións técnicas: liña eléctrica aéreo-subterránea de media tensión, a 15 kV, en tramo aéreo sobre apoios de formigón e con conductor LA-56, de 60 m de lonxitude, con orixe na liña denominada Berdillo-Sofán-Tarambollo-Aldemunde, seguido de tramo subterráneo, baixo tubo e con conductor R.H.V. 12/20 kV de 3(1x95) mm de Al, de 295 m de lonxitude e final no C.T.C. Sofán, existente. Concello de Carballo.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

A Coruña, 4 de febrero de 2002.

Jesús Espada Martínez

Delegado provincial da Coruña