A orde da Consellería de Política Agroalimentaria e Desenvolvemento Rural, do 15 de xaneiro de 2002 (DOG nº 13, do 18 de xaneiro), regula a solicitude única, no dito exercicio, das axudas a superficies, animais e indemnización compensatoria, así como a solicitude doutras primas gandeiras, na Comunidade Autónoma de Galicia.
O artigo 3.1º da devandita orde establece que o prazo de presentación das solicitudes de axuda por cultivos herbáceos, leguminosas gran, da declaración de superficies forraxeiras, primas por vacas nutrices, pagamentos por extensificación, primas de ovino cabrún, prima especial de vacún, prima ó sacri
ficio e indemnización compensatoria, empezará o día da publicación da orde no DOG, e rematará o día 8 de marzo de 2002.
A orde do Ministerio de Agricultura, Pesca e Alimentación (MAPA), APA/463/2002, do 22 de febreiro de 2002 (BOE nº 55, do 5 de marzo), prorroga o prazo de presentación de determinadas solicitudes de axudas, establecidas nos reais decretos 1839/1999, do 10 de decembro, 138/2002 e 139/2002, do 1 de febreiro, e 3482/2000, do 29 de decembro, para a campaña 2002/2003.
De acordo coa norma anterior, de carácter básico, cómpre modifica-lo prazo de presentación das solicitudes previstas na normativa autonómica reguladora desas axudas.
Á súa vez, é necesario modifica-lo seu anexo 10 para incluír ou excluír determinadas zonas suxeitas a un proceso de concentración parcelaria, nas que se admitirán as referencias identificativas correspondentes ós planos de concentración, ó non poder acudir á identificación catrastal.
Na súa virtude, conforme o disposto no artigo 30.I.3 do Estatuto de autonomía de Galicia e en uso das facultades que me confire a Lei 1/1983, do 22 de febreiro, reguladora da Xunta e o seu presidente, modificada pola Lei 11/1988,
DISPOÑO:
Artigo 1º
O prazo indicado no artigo 3.1º da orde da Consellería de Política Agroalimentaria e Desenvolvemento Rural, do 15 de xaneiro de 2002 (DOG nº 13, do 18 de xaneiro), para a presentación das solicitudes de axuda por cultivos herbáceos, leguminosas gran, da declaración de superficies forraxeiras, primas por vacas nutrices, pagamentos por extensificación, primas de ovino cabrún, prima especial de vacún, prima ó sacrificio e indemnización compensatoria, prorrógase ata o 27 de marzo de 2002.
Artigo 2º
Coa finalidade de actualiza-las referencias identificativas correspondentes ós planos de concentración parcelaria, inclúense ou exclúense do anexo 10 da devandita orde, do 15 de xaneiro de 2002, as seguintes zonas de concetración parcelaria.
Inclusións:
zona de concentración
Cód.Provincia Cód.Concello Cód.
Nome da zona
15 A Coruña 78 Santiago de Compost. 7 Sabugueira-Carballal
27 Lugo 31 Monforte de Lemos 1 Val de Lemos-sector I-Bb
27 Lugo 38 Ourol 1 Miñotos
27 Lugo 51 Ribadeo 14 Piñeira-Vilaselán
Exclusións:
zona de concentración
Cód.Provincia Cód.Concello Cód.
Nome da zona
32 Ourense 5 Baltar 1 Garabelos-O Bouzo
32 Ourense 5 Baltar 2 Boullosa
36 Pontevedra 28 Meis 1 Paradela
Disposicións derradeiras
Primeira.-Esta orde entrará en vigor o mesmo día da súa publicación no Diario Oficial de Galicia.
Segunda.-Facúltase o director do Ilgga para dictar cantas instruccións sexan precisas para o desenvolvemento e execución do disposto na presente orde.
Santiago de Compostela, 5 de marzo de 2002.
Juan Miguel Diz Guedes
Conselleiro de Política Agroalimentaria
e Desenvolvemento Rural